DGEMs

 Maluk sira mak Kristu hadomi,

“Salvasaun liu-husi Jesus” – Fiar: Iha Evangelho ohin, Jesus haklaken ba ema lubun boot, “Aman Maromak Ninia Hakaran mak atu Ha’u keta lakon ema sira ne’ebé Nia fó tiha ona mai, maibé halo sira moris hias iha loron ikus.” Reflete: “Maromak Ninia hakaran atu ita simu ksolok rohan la’ek, wainhira ita mate. Ita simu Ninia prezente Divinu baibain de’it, no la hala’o moris klean tebes, la tuir Jesus ninia Evangellu, lorloron?”

Pe. Philip Heng, S.J.

Jesus hatan ba sira, ‘Ha’u mak pão moris nian. Ema ne’ebé hakbesik Ha’u sei la hamlaha tan; no ema ne’ebé fiar iha Ha’u sei la hamrook tan. Ha’u dehan ona ba imi katak maske imi haré tiha ona Ha’u, imi la fiar. Sira hotu ne’ebé Aman fó ona mai Ha’u, sei hakbesik mak Ha’u; no ida ne’ebé hakbesik Ha’u, Ha’u sei la duni sai ba liur. Basá Ha’u tun mai husi lalehan la’os atu halo Ha’u-nia hakaran, maib”e ida ne’ebé haruka Ha’u mai Ninia hakaran.

No ida ne’ebé haruka Ha’u mai Ninia hakaran mak ida ne’e: ‘Katak Ha’u keta lakon ema ne’ebé ema ne’ebé Nia fó tiha ona mai Ha’u, maibé halo nia moris hi’as iha loron ikus. Basá Ha’u-Nia Aman nia hakaran mak ida ne’e: katak ema ida-ida ne’ebé haré Oan Mane hodi fiar iha Nia hetan moris rohan la’ek, no Ha’u sei halo nia moris hi’as iha loron ikus.