DGEMs

Maluk sira mak Kristu hadomi,

“Milagre husi Pão no Ikan” – Fiar: Iha Evangelho ohin, Jesus fó han ema rihun ho pão fuan lima no ikan rua. Nu’udar Maromak Oan, Nia bele uza Ninia Kbiit Divinu hodi tulun ita hala’o moris tuir Ninia Dalan sira, no hetan Salvasaun Rohan La’ek. Reflete: “Ita nia fiar iha Jesus klean, haraik-an, no altruísta? Se nune’e, Jesus sei halo milagre barak liu iha ita-nia moris.”

Pe. Philip Heng, S.J.

Jesus foti tiha matan hodi haré katak ema lubun boot mai hasoru Nia, Jesus dehan ba Filipe: ‘Ita sosa pão iha ne’ebé los atu atu ema sira ne’e bele han?’ Jesus kolia nune’e atu koko nia, basá Nia hatene ona atu halo sa. Filipe hatan ba Nia: “Pão osan atus rua nian mós sei la to’o atu ema ida-ida simu pão baluk oan ida.”

Nia eskolante ida, André, Simão Pedro nia alin, hateten, ‘Iha ne’e, iha labarik oan ida ho pão fuan lima no ikan rua; maibé ne’e to’o oinsa los ba ema barak ne’e?’ Jesus lia tun dehan, ‘Haruka mane sira ne’e tur hotu.’ Iha nebá iha du’ut barak. Mane sira besik rihun lima tur tiha hotu.

Kaer tiha pão, Jesus fó agradese, hodi fahe ba ema sira ne’ebé tur iha nebá; Nia halo mós nune’e ho ikan sira. Sira han to’o sira hakarak.