DGEMs

Maluk sira mak Kristu hadomi,

“Jesus Mesias” – Fiar: Iha Evangelho ohin, Jesus haklaken ba Nicodemos, katak Nia nu’udar Messias ne’ebé mai hodi lori Salvasaun Rohan la’ek ba sira ne’ebé fiar no halo-tuir Evangellu; no la kondena ema ruma. Reflete: “Wainhira ita hala’o moris tuir Maromak Ninia hakaran lorloron, ita krese iha santidade no proximidade ba Maromak. Oinsa ita-nia esperiensia sira ne’e?

Pe. Philip Heng, S.J.

Basá Maromak hadomi tebes mundu to’o fó Nia Oan Mane mesak, atu ema hotu ne’ebé fiar iha Nia labele lakon, maibé hetan moris rohan la’ek. Basá Maromak la haruka nia Oan Mane mai iha mundu atu tesi lia ba mundu, maibé atu mundu hetan maksoin hodi Nia.

Sei la tesi lia ba ema ne’ebé fiar iha Nia, maibé ema ne’ebé la fiar ema tesi lia ona, basá la fiar iha Maromak nia Oan Mane mesak nia naran. Sira hetan kastigu nune’e: roman mai iha mundu maibé ema sira hadomi nakukun liu fali roman, basá sira nia hahalok aat.

Basá ema hotu ne’ebé halo aat hakribit roman, no nia la hakbesik ba roman atu ema labele sia’k nia hahalok sira. Maibé ema sira ne’ebé moris tuir lialos hakbesik ba roman atu nia hahalok hotu mosu momoos nu’udar halo iha Maromak.