2a Semana Tempu Páscoa: Tersa-Feira, loron 09, fulan Abril, 2024 April 9, 2024
Reflection on the WORD
Maluk sira mak Kristu hadomi,
“Realidade Divina” – Fiar: Iha Evangelho ohin, Nicodemus labele kompriende Jesus wainhira Nia esplika Lialos “Divinu” husi “moris” espiritualmente, atu sai Maromak Nia Oan, no simu salvasaun rohan la’ek liu-husi Messias. Reflete: “Ita haraik an atu aseita Maromak Ninia Lialos no Revelasaun, ka ita kestiona ho dúvida kona-ba Jesus Ninia Lialos nu’udar Messias?”
Pe. Philip Heng, S.J.
Jo 3:7b-8,11-15
Jesus hateten ba Nicodemos: “Keta hakfodak tanba Ha’u dehan ba o, imi tenki moris fali husi leten.” Anin hu’u ba fatin ne’ebé nia hakarak; o rona nia lian, maibé o la hatene nia mai husi ne’ebé no nia ba ne’ebé. Nune’e mós ho ema hotu ne’ebé moris husi Espírito.
Tebes, tebes, ha’u hateten ba o katak ami koalia kona-ba buat ne’ebé ami hatene, hodi fó sasin kona-ba buat ne’ebé ami haré ona, maibé imi la simu. Ha’u kolia kona-ba sasan mundu ne’e nian karik, no imi la fiar Ha’u; oinsa mak imi bele fiar wainhira Ha’u kolia kona-ba sasan lalehan nian?
Ema ida ladauk sa’e ba Lalehan; maibé Ida de’it ne’ebé tun husi lalehan, katak Oan Mane.
Today's Pointers on God's Word
As you read the passage what words, phases or meanings caught your attention?
- · Maromak ninia Espírito no domin hanesan iis ita dada, anin ne’ebé ita la hare; no haleu ita. Ita bele senti Nia iha fatin hotu-hotu no moris lorloron.
- · Ninia liafuan katak Nia ‘kolia kona-ba sasan sira Nia hatene no hare’, Jesus hateten lialos iha ninia haklaken no evidensia iha milagre sira Nia halo. Tan ne’e, ita tenki iha fiar tomak ba Nia.
- · Jesus ninia moris hias depois de Ninia mate mak evidensia klaru katak Nia maka maksoin no moris nia Na’i. Ita presiza agradese ba Nia liu-husi hafoun ita-nia fiar iha Nia iha ita-nia moris lorloron.