DGEMs

Maluk sira mak Kristu hadomi,

Anunciação do Senhor – Fiar: Iha Evangelho ohin, Anjo Gabriel lori Aman Maromak Ninia hakaran katak Jesus, Ninia Oan Mane Mesak, sei moris iha mundu, liu-husi Maria; Maromak hili nu’udar Messias Ninia Inan. Reflete: “Maria ninia resposta nu’udar haraik an tebes no altruísta. Ita loke an ba Maromak Ninia hakaran, liuliu wainhira Ninia hakaran sira difisil?”

Pe. Philip Heng, S.J.

Maromak haruka anju Gabriel ba knua ida Galileia nian, naran Nazaré, ba fetoran ida ne’ebé hakotu tiha ona ba mane ida naran José, husi David nia umakain; fetoran ne’e naran Maria. Tama tiha iha uma, anju dehan: “Rahun di’ak, feto kmanek wa’in tebes! Na’i ho Ita!” Rona tiha lia ne’e, nia laran taridu hodi husu ba nia an rasik kumprimentu ne’e katak sa los. Anjo dehan ba nia: “Keta tauk, Maria; basá o hetan rahun di’ak tebes iha Maromak futar oin. O sei ko’us no tur ahi oan mane ida. O sei hanaran Nia Jesus.

Maria husu ba anjo: “Ne’e sei sai oinsa los, basá ha’u la hola mane?” Anjo hatan ba nia dehan: “Espírito Santo sei tun ba o no Na’i aas liu hotu nia kbiit sei hamahan o. Tan ne’e santo ne’ebé sei moris sei hanaran An ‘Maromak Ninia Oan.’

Maria dehan: “Ne’e sa, Na’i nia atan oan mak ne’e. Halo tuir ita liafuan ba!” Hafoin anjo husik nia.