DGEMs

Maluk sira mak Kristu hadomi,

“Tomé no Na’i moris hias” – Fiar: Iha Evangelho ohin, Jesus hatudu An ba apóstolu nain sanulu resin rua maske odomatan taka. Tomé, ne’ebé rejeita atu fiar katak Jesus moris hias, ho haraik an nia rekonese kedan Jesus nu’udar, “Ha’u-nia Na’i no ha’u-nia Maromak”. Reflete: “Se ha’u-nia foti an satan ha’u hodi haklean ha’u-nia fiar iha Maromak moris hias?”

Pe. Philip Heng, S.J.

Tomé, sira nain sanulu resin rua ne’e ida, ne’ebé ema hanaran kaduak, la hamutuk ho sira wainhira Jesus mosu. Tan ne’e, eskolante sira hateten ba nia: “Ami haré ona Na’i!” Maibé nia hatan ba sira: “Ha’u la haré karik besi kusan nia kuak iha Nia liman, la tau karik ha’u nia limanfuan iha besi kusan fatin, no la hatama karik ha’u nia liman iha nia sorin, ha’u sei la fiar.”

Liu tiha loron ualu, eskolante sira halibur fali ihai uma laran. Tomé mós hamutuk ho sira. Odomatan sei taka hela, Jesus mosu hodi hamriik iha sira leet dehan: “Dame hela ho imi!” Hafoin Nia hateten ba Tomé: “Lori o nia limanfuan mai, no haré Ha’u nia liman; lolo o nia liman hodi hatama iha Ha’u nia sorin. O keta laran to’os, maibé fiar!”

Tomé hatan dehan ba Nia: “Ha’u Na’i, ha’u Maromak!” Jesus lia tun teni ba nia: “O fiar tan o haré tiha Ha’u? Ksolok ba sira ne’ebé fiar maski la haré.”