DGEMs

Maluk sira mak Kristu hadomi,

“Haklaken Evangellu ba ema hotu”: Iha Evangelho ohin, Jesus fó-misaun ba Ninia eskolante sira atu haklaken Evangelho ba ema hotu. Reflete: “Ita la presiza sai ‘perfeitu’ atu fó-sasin di’ak hodi haklaken Jesus ba ema seluk. Maromak hare hakaran di’ak iha ita-nia fuan sira no se, ita-nia fiar iha Ninia moris hias metin, ita bele enkoraja ema seluk hadomi no halo-tuir Nia.”

Pe. Philip Heng, S.J.

Moris hi’as tiha ona iha dadersan loron uluk semana nian, Jesus mosu uluk knanain ba Maria Madalena, ida husi ne’ebé Nia duni sai diabu nain hitu. Tuir mai, feto ne’e fó hatene ba sira ne’ebé la’o hamutuk ho Nia; sira ne’e laran nakraik hodi tanis. Sira rona katak Jesus moris ona no Maria haré Nia, maibé sira la fiar.

Buat hirak ne’e hotu tiha, Jesus mosu mós ho lalenok seluk ba ema na’in rua ne’ebé la’o dau-daun ba to’os. Sira ne’e fó hatene ba sira seluk, maibé sira la fiar mós sira ne’e.

Ikus mai, wainhira sira sanulu resin ida tur dau-daun iha mesa, Nia mosu hodi si’ak sira nia fiar la’ek no ulun fatuk tos, basá sira la fiar sira ne’ebé haré Nia moris hi’as ona. Nia dehan ba sira, “La’o ba mundu tomak ba, haklaken liafuan di’ak ba buat hotu-hotu.