DGEMs

Maluk sira mak Kristu hadomi,

“Eskolante sira-nia fiar iha Emaus”: Iha Evangelho ohin, Jesus Na’i moris hias, haksiak eskolante nain rua tan sira-nia falta de fiar; iha buat hotu ne’ebé Nia haklaken no fó-sasin; nu’udar Messias. Reflete: “Nune’e mós, ita menus fiar iha Na’i moris hias, ne’ebé haraik mai ita Salvasaun Rohan La’ek; espesialmente wainhira ita enkontra afliksaun no sofrimentu sira iha ita-nia moris?”

Pe. Philip Heng, S.J.

Iha loron nebá eskolante nain rua la’o ba knua ida naran Emaus, besik kilometru ualu husi Jerusalem. Sira kolia ba malu kona-ba buat ne’ebé mosu. Jesus rasik hakbesik hodi la’o hamutuk ho sira. Maibé sira nia matan ladauk nakloke atu hatene Nia. Nia dehan ba sira: “Imi kolia ba malu kona-ba saida tuir dalan?” Sira para tiha ho oin nakraik.

Sira hatan: “Kona-ba Jesus Nazaré, profeta ida beran boot iha lia no hahalok iha Maromak no povu tomak nia oin: oinsa ita-nia amlulik boot no na’i ulun sira saran Nia ba mate hodi hedi Nia ba krus. Ami-nia feto maluk balun halo ami hakfodak, basá dadersan hela, sira ba rate, sira mai haktuir katak sira haré anju ne’ebé dehan katak Nia moris.

Nia dehan ba sira, “Imi ema beik duni, no neon badak atu fiar buat hotu ne’ebé profeta sira hateten! Messias sei la terus buat hirak ne’e atu nune’e Nia bele tama iha Nia glória?” hafoin, hahú husi Moises no profeta sira hotu, Nia hatudu ba sira buat hotu ne’ebé hakerek tiha kona-ba Nia.