DGEMs

Maluk sira mak Kristu hadomi,

“Maria no Maromak Moris Hias” – Fiar: Iha Evangelho ohin, Maria rekonese Jesus ninia lian, wainhira Jesus bolu nia ho ninia naran. Reflete: “Wainhira ita bolu ema ruma ho sira-nia naran, ita sai pesoal liu. Kolia ho Jesus pesoalmente nu’udar Nia moris hias. Nia mós bolu itabot ho itabot nia naran pesoal, no Nia hakarak atu kolia no rona ita kona-ba Ninia moris hias.”

Pe. Philip Heng, S.J.

Maria fali hamriik besik rate iha liur hodi tanis. Nia sei tanis hela, nia hakru’uk hodi hateke ba rate laran. Nia haré anju nain rua hatais mutin tur iha fatin ne’ebé sira tau Jesus Nia isin, ida iha ulun, ida fali iha ain. Sira dehan: “Feto, tansa o tanis?” Nia hatan ba sira: “Basá ema lori tiha ha’u-nia Na’i no ha’u la hatene sira tau Nia iha ne’ebé.”

Dehan tiha liafuan hirak ne’e, nia fila ba kotuk hodi haré Jesus hamriik iha nebá, maibé nia la hatene katak ne’e Jesus. Jesus dehan ba nia, “Feto, tansa o tanis? O buka se?” Hanoin katak Nia mak to’os nain, Maria husu fali: “Na’i, ita lori Nia karik, hateten to’ok mai ha’u ita tau Nia iha ne’ebé atu ha’u bele ba lori Nia.”

Jesus dehan: “Maria!” Nia fila hodi dehan ba Jesus iha lia ema Hebreu nian: “Rabboni!” katak Mestre. Ne’e duni, Maria Madalena ba hateten ba eskolante sira: “Ha’u haré ona Na’i,” no nia hateten ba sira katak Nia dehan buat sirane’e ba nia.