DGEMs

Maluk sira mak Kristu hadomi,

“Hanehan Jesus ninia lialos”: Iha Evangelho ohin, amlulik boot no escriba sira selu guarda Romano sira atu bosok; hodi dehan katak apóstolo sira naok Jesus ninia isin, wainhira sira toba. Reflete: “Se soldado sira toba, oinsa sira hatene katak apóstolo sira naok Jesus Ninia isin? Nune’e mós, Maromak ninia inimigu, koko atu bosok no nega Jesus Ninia hanorin sira, ho, por exemplo justifikasaun sala halo funu no aborto.”

Pe. Philip Heng, S.J. 

Sira husik kedas rate; ho laran tauk no ksolok boot, sira halai atu fó hatene ba eskolante sira. Teki-teki Jesus mai hasorusura dehan: “Haksolok ba!” Sira hakbesik, hakoak Nia ain hodi adora Nia. Jesus dehan ba sira: “Keta tauk; ba dehan ba Ha’u nia maun alin sira atu ba Galileia; iha neba sira sei hare ha’u.

Guarda balun ba sidade laran hodi fó hatene ba amlulik boot sira buat hotu ne’ebé mosu. Sira ne’e halibur hamutuk ho katuas sira. Hafoin, sira lia tuir malu hotu tiha, sira fó osan mutin barak ba soldado sira. Simu tiha osan mutin, sira halo tuir nu’udar ema hanorin sira. Lia ne’e la’o iha Judeu sira le’et ohin loron.