DGEMs

Maluk sira mak Kristu hadomi,

“Jesus, ita nia Na’i Moris hias”—Fiar:Igreja niaselebrasaun liturjikal ne’ebé boot liu maka Resureisaun Jesus nian iha loron ohin; loron tolu depois Nia mate. Reflete; “se Jesus la moris hias husi mate nu’udar nia promete ona; ita nia fiar iha nia Evangelho kona-bá alegria ne’ebé rohan la’ek, sei sai “mamuk” iha evidensia historika sira divinu nian. Nune’e, mai ita haksolok iha Jesus nia Resureisaun,”

Pe. Philip Heng, S.J.

Jesus moris hi’as

1Loron Sabadu liu tiha, Maria Madalena, Maria, Tiago nian, no Salome sosa mina morin atu kose ba Jesus. 2Iha loron uluk semana nian, fóin dadersan hela, loron fóin sa'e, sira la'o ba rate. 3Sira dehan ba malu, “Se mak sei duir fatuk housi rate nia odamatan ba ita?” 4Maibé wainhira sira ba hare, sira hetan katak fatuk ne'e duir tiha ona. Fatuk ne'e boot tebes. 5Sira tama iha rate laran no hare mane fóinsa’e ida ho hatais mutin, tur iha sorin kuana. Sira tauk. 6Nia dehan ba sira, “Imi keta tauk. Imi buka Jesus Nazare ne’ebé ema hedi iha krus? Nia moris hi’as ona; Nia la iha ne'e. Hare ba fatin ne’ebé sira tau Nia. 7Maibé la'o ba, fó hatene ba Nia eskolante sira no ba Pedro: Nia sei ba uluk liu imi iha Galileia. Imi sei hare Nia iha neba, nudar Nia dehan nanis ba imi.”