Semana Santa: Sesta-feira, loron 29, fulan Marsu, 2024 March 29, 2024

Reflection on the WORD

Maluk sira mak Kristu hadomi,

“Jesus Terus no Mate—Fiar”: liturjia ohin nia,ita “hamoris fila fali” Jesus nia terus, agonia no Mate. Nia mate ho mate ida ne’ebé kruel hanesan kriminoju ida nian, maiske Jesus la’os de’it inosenti ba kulpa sira, maibé sai mós Salvador ba ema hotu nian. Reflete; “Ita rekonhese oinsa ita kontinua ‘kondena no krucifika Jesus, iha kada tempu ita halo sala no rejeita nia domin no laran luak?”

Pe. Philip Heng, S.J.

Jo 18:1,19:1,4-6,16-17a,18-19,25,28-29

Sira kaer Jesus

                  1Dehan tiha liafuan hirak ne’e, Jesus ho nia eskolante sira hakat liu ba mota Sedrom. Sira tama iha to’os ida iha neba. 1Tuir mai, Pilatos haruka ema lori Jesus hodi baku Nia. 4Pilatos sai fali hodi dehan ba sira: “Hare ba. Ha’u hatudu Nia ba imi atu imi hatene katak Ha’u la hetan sala ida iha Nia.” 5Nune’e Jesus sai mai iha liur, ho koroa ai tarak nian no unuk mean. Pilatos dehan: “Ema mak ne’e!” 6Hare tiha Nia, amlulik boot no guarda sira hakilar dehan: “Hedi Nia ba krus! Hedi Nia ba krus!” Pilatos dehan ba sira: “Imi rasik lori Nia ba hodi hedi Nia ba krus; tan ha’u la hetan sala ida iha Nia.” 16Ne’e duni, Pilatos saran Jesus ba sira atu sira hedi Nia ba krus.

 

Jesus mate iha krus

            17Tuir mai Judeu sira lori Jesus no Nia sai ba liur hodi Nia lori nia krus iha nia kbaas ba fatin ida naran “ulun ruin fatin,” ne’ebé dehan iha lia Ebreu “Golgota.” 18Iha neba sira hedi Nia iha krus hamutuk ho ema na’in rua, ida iha sorin ida-ida, no Jesus iha klaran. 19Pilatos haruka hakerek ai kabelak ida atu tara iha krus. Hakerek nune’e: “Jesus Nazare, Judeu sira nia liurai.” . 25Nia inan, nia inan nia alin, katak Maria, Cleofas nia fen, ho tan Maria Madalena hamriik besik Jesus nia krus. 28Tuir mai, tan hatene ona katak buat hotu la’o tuir ona, atu halo tuir lo-los eskritura, Jesus dehan: “Ha’u hamrook!” 29Iha neba iha buli oan ida ho tua sin, tan ne’e, sira habokon esponia ida iha tua sin ne’e, tau iha fafulu tutun hodi lolo ba Jesus nia ibun. 30Koko tiha tua sin ne’e, Jesus dehan: “Buat hotu tuir los ona,” hafóin, Nia halis Nia ulun hodi saran nia klamar.

Today's Pointers on God's Word

As you read the passage what words, phases or meanings caught your attention?

  • ·      Loron ohin inimigu sira Jesus nian, krusifika Nia; sira “krusifika” Maromak nia Oan Mane.  Ita mós karik “krusifika” Jesus iha ita nia maneira oi-oin?
  • ·      Krusifixu ida ne’e mak simbolu ida kona-bá domin inkondisional iha auto-sakrifisiu Maromak nian ne’ebé laiha rohan la’ek. Ida ne’e mak simbolu ida kona-bá “Maromak nia vitória, no kona-bá Maromak nia terus ne’ebé sertamente sei nakfila ba vitoria.
  • ·      Se ita iha karik Jesus nia kruz hun, hamutuk ho imagen trágiku sira ne’ebé todan, fóer no do’is, saida mak sei mosu iha ita nia hanoin no toka ita nia fuan? Se ida ne’e la’os tamba de’it Jesus nia domin no laran luak mai ita, ita sei la hetan ou lakon pontu importante ida kona-bá Jesus nia mate tamba ita. Saida mak Jesus ko’alia ba ita kona-bá ita nia moris iha momentu ne’e no agora?