DGEMs

Maluk sira mak Kristu hadomi,

“Gratidaun ba Jesus”—Fiar : Evangelho ohin nian, Maria hatudu nia gratidaun ne’ebé kle’an tebes ba Jesus tamba Jesus halo moris fali nia maun Lazarus, nune’e nia tau mina ba Jesus nia ain ho mina morin ne’ebé karun tebes. Reflete; “laiha buat ida ne’ebé fólin karun liu, se ita iha sentimentu gratidaun ne’ebé kle’an ba Jesus ne’ebé Mate no Moris hias ba ita nia salvasaun. Ita subar karik Maromak nia bensaun sira ou ita generosamente fahe sira ho ema seluk?

Pe. Philip Heng, S.J.

Mina morin ba Jesus iha Betania

                  1Loron neen molok festa Paskua, Jesus ba Betania. Lazaro ne’ebé Jesus halo moris hi’as housi mate horik iha neba. 2Sira fó han Jesus. Lazaro han hamutuk ho Nia. Marta serbi meja. 3Maria fali hola mina morin litru  ida ho fólin boot hodi kose no hamaran Jesus nia ain ho nia fuuk, to’o mina nia morin hakonu uma laran tomak. 4Eskolante sira ida, Judas Iscariotes, Simao nia oan, ida ne’ebé atu saran Nia, husu: 5“Tansa ita la fa’an mina morin ne’e ba denariu atus tolu, hodi fó osan ba ema kiak sira?” 6Nia hateten ne’e la’os tan nia hanoin ema kiak sira, maibé tamba nia na’okten ida; nia kaer bornal no dala barak nia fóti osan ne’ebé ema tau ba. 7Jesus dehan: “Husik nia ba, basa lo-los nia sei halo ne’e ba loron ema hakoi Ha’u; 8ema kiak sira imi sei iha nafatin, maibé imi sei la iha Ha’u ba nafatin.”