DGEMs

Maluk sira mak Kristu hadomi,

“Maromak nia laran luak—ita nia resposta”: iha Evangelho ohin nian, Jesus proklama “aiknanoik ida kona-bá Liurai ne’ebé laran luak” ba Pedro, atu revela katak Maromak nia perdaun ne’ebé laran luak mak infinitamente boot liu ema nia dispozisaun atu perdua “dala hitu”. Reflete; “oinsa ita la konsideira, Maromak nia laran luak ida ne’ebé sempre haraik perdaun mai ita wainhira ita arepende? Mai ita sente “ksolok Nai Jesus nian” iha ita nia fuan arependidu.”

Pe. Philip Heng, S.J.

Perdua dala hira

21Tuir mai, Pedro hakbesik ba Nia hodi dehan: “Na’i, ha’u nia maun eh alin sala hasouru ha’u karik, ha’u sei perdua nia dala hira? To’o dala hitu?” 22Jesus hatan ba nia: “Ha’u dehan ba o: la’os to’o dala hitu, maibé to’o hitu nulu dala hitu.” 23“Tan ne’e, reinu lalehan nian hanesan liurai ida ne’ebé hakarak sisi tusan ba nia atan sira. 24Wainhira nia hahu sisi, sira lori mai ema ida ne’ebé iha tusan osan rihun sanulu. 25Tan nia la iha buat ida hodi selu, liurai haruka fa’an tiha nia ho nia feen, nia oan sira ho nia rikusoi sira hotu atu selu nia tusan. 27Tan hanoin nia, atan ne’e nia na’i husik nia ba hodi kasu nia tusan. 28Wainhira atan ne’e sai housi neba, nia hetan nia maluk ida ne’ebé debe nia osan oan atus ida. Kaer tiha maluk ne’e, nia buti metin nia kakorok dehan: ‘Selu o nia tusan ba!’ 29Nia maluk monu ain ba nia hodi harohan: ‘Pasiensia uitoan ho ha’u, ha’u sei fó fali buat hotu ba o.’ 30Maibé nia lakohi sadia nia hodi haruka maluk ne’e ba dadur laran to’o nia selu nia tusan hotu. 32Tuir mai, sira nia na’i haruka bolu nia hodi dehan ba nia: ‘Atan aat, ha’u kasu tiha o nia tusan tomak tan o husu ha’u; 33o la bele hanoin o nia maluk atan hanesan ha’u hanoin o?”