DGEMs

Maluk sira mak Kristu hadomi,

“Maromak nia tristeza - Fiar”: IhaEvangelho ohin nian, Jesus proklama kona-bá “Aiknanoik filho pródigo nian” ba kobrador sira taxa nian no ema sala nain sira. Nia explika katak Maromak ita Aman, senti triste ne’ebé kle’an tamba de’it sira nia iresponsabilidade no moris iha sala nia laran. No Maromak kontinua espera ba sira nia konversaun hodi simu Maromak nia perdaun ne’ebé nakonu ho domin. Reflete; “Saida mak Maromak ko’alia ba ita ohin loron?”

Pe. Philip Heng, S.J.

Bibi ne’ebé lakon

            1Publikano no maksalak sira hotu hakbesik Jesus atu rona Nia. 2Fariseu no eskriba sira hamu’u dehan: “Ema ne’e simu maksalak sira hodi han hamutuk ho sira.” 3Tan ne’e, Nia haktuir ba sira aiknanoik ida ne’e: 4“Imi ida ne’ebé mak, iha karik bibi atus ida no lakon tiha ida, la husik sia nulu resin sia seluk iha rai fuik maran, hodi ba buka ida ne’ebé lakon to’o hetan nia? 11Nia dehan tan: “Ema ida iha oan mane na’in rua. 12Ida kiik dehan ba nia aman: ‘Aman, fó mai ha’u buat ne’ebé ha’u nian.’ Aman ne’e fahe tiha nia rikusoi ba sira. 13Liu tiha loron ruma, oan kiik ne’e halibur nia rikusoi tomak, hodi ba rai dook ida; iha neba nia halo naben nia rikusoi tomak, hodi moris aat liu. 14Nahas tiha nia sasan tomak, rai neba hamlaha boot. Nia mos hahu hetan susar. 15Tan ne’e nia husu serbisu ba ema rai na’in ida, ne’ebé haruka nia ba hein fahi iha nia to’os. 20Nune’e, hamriik tiha, nia ba hasouru nia aman. Nia sei dook hela, nia aman hare ona nia, hanoin teb-tebes nia, hodi halai ba hasouru nia, hakoak no rei nia. 22Maibé aman ne’e dehan ba nia atan sira: ‘Lori mai lalais unuk furak liu, hodi fó hatais nia; tau kadeli ba nia liman, sapatu ba nia ain. 23Lori mai karau oan bokur ida atu oho. Ita sei han hemu hodi halo festa. 24Basa ha’u nia oan ida ne’e mate tiha, moris fali; nia lakon tiha, hetan fali.’ No sira hahu halo festa.”