DGEMs

Maluk sira mak Kristu hadomi,

“Hamro’ok ba rikosoin — Fiar”: Evangelho ohin nian, Jesus bolu atensaun ba katuas sira kona-bá perigu hamro’ok ba rikusoin nian. Ida ne’e mak fórma ida kona-bá “ tau importância ba-an rasik ou fóka ba-an no ka’an ten” hodi akumula rikusoin ka material sira, espesialmente wainhira ita iha sentimentu ne’ebé demais liu ba sira. Reflete; “ita nia ka’an ten ne’ebé mai husi ita nia inseguridade no buat ne’ebé mamuk iha ita nia an. So Maromak de’it mak bele hakonu ita nia dezeju sira ne’ebé kle’an ho dame ne’ebé los no alegria.

Pe. Philip Heng, S.J.

To’os atan aat

            33“Rona tan aiknanoik ida ne’e. Ema ida kuda uvas iha to’os ida. Hale’u tiha ho lutu, nia ke’e fatin sama uvas ida iha to’os laran hodi harii uma aas ida; nia saran ba ema sira, hafóin nia ba rai dook ida. 34To’o tempu atu ku’u uvas nian, nia haruka nia atan atu ba husu buat ne’ebé monu ba nia. 35Maibé ema sira ne’e kaer atan sira, baku ida, oho ida seluk, tuda ida seluk tan. 36Tuir mai nia haruka tan atan sira seluk, barak liu fali sira uluk, maibé ema sira halo mos nune’e ba sira. 37Ikus mai nia haruka nia oan rasik hodi dehan: ‘Sira sei hamtauk ha’u nia oan.’ 38Maibé hare tiha nia oan, ema sira dehan ba malu: ‘Ida ne’e mak liman rohan na’in. Ita oho nia ba, atu ita sei manan nia liman rohan.’ 39Ne’e duni, sira kaer nia, soe ba to’os liur hodi oho nia. 40Wainhira to’os na’in mai, nia sei halo sa los ba ema sira ne’e?” 41Sira hatan: “Nia sei haruka oho ho kroat ema aat sira ne’e hodi saran to’os ba ema sira seluk ne’ebé, to’o los tempu, sei hatama aifuan ba nia.” 42Jesus dehan ba sira: “Imi seidauk le’e Eskritura sira, ‘Fatuk ne’ebé badaen sira hewai nakfila fali ba fatuk inan? Ne’e, buat ne’ebé Na’i halo, kmanek tebes duni ba ita matan.’” 43“Tan ne’e Ha’u dehan ba imi katak Maromak nia reinu sei hasai tiha housi imi hodi fó fali ba povu ida ne’ebé sei fó fuan.”