DGEMs

Maluk sira mak Kristu hadomi,

“Hakribi salan-Fiar”: Iha Evangelho ohin nian, Jesus haksi’ak ema lubun boot sira tanba sira nia laran la mos hodi buka sinal hosi Jesus ne’ebé Mesias. Lolos ne’e, sira la prontu atu hakribi sira nia salan. Reflete; ita hakribi duni ita nia salan sira wainhira ita buka Maromak Nia perdaun mizerikordiozu? Ka ita konfesa ita nia salan sira bebeik no superfisialmente?

Pe. Philip Heng, S.J.

Jonas nia sinal

29Wainhira ema lubun boot halibur tiha an, Nia dehan: “Otas ne’e otas aat duni; ema sira husu sinal ida, maibe sinal mesak nebe sei fo ba sira mak sinal Jonas nian. 30Basa, hanesan Jonas sai sinal ida ba ema rai Ninive nian, nune’e mos Oan Mane sei sai sinal ida ba ema sira housi otas ne’e. 31Iha loron tesi lia nian, liurai feto tasimane nian sei hamriik hasouru ema sira ne’e hodi tesi lia todan ba sira; basa nia mai housi mundu nia rohan atu rona Salomao nia matenek, no iha ne’e iha Ida nebe boot liu fali Salomao. 32Iha loron tesi lia nian, Ninive nia oan sira sei hamriik hasouru ema sira ne’e, hodi tesi lia todan ba sira; basa wainhira Jonas haklaken Maromak nia liafuan, sira hakribi sira nia sala, maibe iha ne’e iha Ida nebe boot liu fali Jonas.”