DGEMs

Maluk sira mak Kristu hadomi,

“Orasaun Ami Aman”-Fiar: Iha Evangelho ohin nian, Jesus hanorin Nia eskolante sira atu reza orasaun “Ami Aman.” Orasaun ida ne’elori ita ba hahí Aman Maromak, buka Aman Maromak Ninia Hakarak. No rekoñese ita nia frakeza sira no ita nia tentasaun sira atu monu ba salan.  Reflete; ita reza orasaun Ami Aman ho fuan ne’ebé mos no lolos no fervorozamente ka superfisialmente de’it?”

Pe. Philip Heng, S.J.

Orasaun nia folin boot

7“Husu ba, imi sei simu; buka ba, imi sei hetan: tuku odamatan ba, odamatan sei nakloke ba imi. 8Basa ema nebe husu sei simu; ema nebe buka sei hetan; no ba ema nebe baku odamatan, odamatan sei nakloke ba nia. 9Imi ida nebe, wainhira nia oan husu paun, sei fo fatuk ba nia? 10Ka, wainhira husu ikan, sei fo samea ida ba nia? 11Ne'e duni, imi sira nebe aat hatene fo buat diak ba imi nia oan sira, liu tan mak imi nia Aman iha lalehan sei la fo buat diak ba sira nebe husu ba Nia!”

12“Ne'e duni, buat hotu nebe imi hakarak ema halo ba imi, imi mos halo ba sira; basa ne'e mak ukunfuan no Profeta sira.” 13“Tama housi odamatan kloot ba; basa odamatan boot no dalan luan mak lori ema atu lakon an, no ema barak liu housi nia. 14Maibe odamatan kloot tebes no dalan kiik duni mak lori ema ba moris, no ema uitoan deit mak hetan nia.” 15“Imi matan moris ba kona ba profeta bosok sira nebe mosu ba imi hodi hatais bibi kulit, maibe iha laran, sira mesa asu fuik nebe kaanten.