1a Semana Tempu Kuaresma, Domingu, loron 18, fulan Fevereiru, 2024 February 18, 2024
Reflection on the WORD
Maluk sira mak Kristu hadomi,
“Teste Fiar Nian”: Iha Evangelho ohin nian, ho Espíritu Santu, Jesus ba hela iha dezertu durante loron 40 nia laran. Nia sei hetan teste iha neba. Ho Espíritu Santu, Nia nafatin fokus no fiel hodi prepara Nia-an ba Misaun ne’ebé Nia simu hosi Nia Aman Maromak. Reflete; ita diserne Espíritu Santu Nia prezensa, Nia naroman no Nia domin, wainhira ita hasoru tentasaun sira ne’ebé teste ita nia fiar?
Pe. Philip Heng, S.J.
Mk 1:12-15
12Ne'e hotu tiha Espiritu Santu lori kedas Nia ba rai fuik maran.13Nia hela iha rai fuik maran loron haat nulu, Satanas babeur Nia. Nia hela ho balada fuik sira, no anju sira serbi Nia.
Jesus bolu ema peskador sira
14Wainhira ema dadur ona Joao, Jesus ba Galileia hodi haklaken Maromak nia liafuan diak hodi dehan: 15“Tempu to'o ona; Maromak nia reinu besik ona. Hakribi imi nia sala hodi fiar liafuan diak.”
Today's Pointers on God's Word
As you read the passage what words, phases or meanings caught your attention?
- · Jesus ultrapasa tentasaun sira ho grasa no kbi’it ne’ebé Nia simu hosi Aman Maromak. Nune’e mos, Jesus haraik mai ita, Nia Espíritu Santu, atu sai ita nia kbi’it no ita nia konsolador wainhira ita hetan tentasaun no teste.
- · Hanesan ita simu tiha ona Lia-Foun Di’ak, Jesus haruka ita atu “hakribi salan no fiar” nune’e ema seluk bele haré buat di’ak no lialos Maromak Nia mensajen salvasaun nian liu-hosi ita.
- · Hakribi salan presiza transforma ita nia moris ne’ebé ho salan ba moris ne’ebé tuir Maromak Nia dalan sira eh hanorin sira. Ita prontu atu moris tuir Maromak Nia dalan sira eh hanorin sira ne’ebé ho domin no justisa ba Na’i Nia glória? Saida mak ita nia resposta ba Na’i?