Sábadu, hafoin Kuarta-Feira das Sinzas, loron 17, fulan Fevereiru, 2024 February 17, 2024
Reflection on the WORD
Maluk sira mak Kristu hadomi,
“Matan-delek tanba ita nia Salan”- Fiar: Iha Evangelho ohin nian, ema Farizeu sira keixa ba Jesus Nia eskolante sira, “tansá imi han no hemu hamutuk ho publikanu no maksalak-sira? Farizeu sira nia salan taka netik sira nia matan. Reflete; ita mos maten-delek ba ita nia salan sira? Jesus Nia mizerikordia perdua maksalak sira hotu ne’ebé hakribi sira salan ho fuan no neon ne’ebé mos.”
Pe. Philip Heng, S.J.
Lk 5:27-32
Jesus bolu Levi
27Tuir mai wainhira Jesus sai housi fatin ne’e, Nia hare publikano ida naran Levi, tur dau-daun iha kobra osan fatin. Jesus dehan ba nia: “Mai, tuir Ha’u!” 28Husik tiha buat hotu, nia hamriik hodi tuir Jesus.
Jesus ho ema maksalak sira
29Levi halo festa boot ba Jesus iha nia uma. Publikanu barak no ema selu-seluk tan tur hamutuk ho sira iha meja. 30Fariseu no eskriba sira hamu’u eskolante sira dehan: “Tansa imi han hemu hamutuk ho publikanu no ema maksalak sira?” 31Jesus hatan ba sira dehan: “Ema isin diak sira la kuran doutor, maibe ema moras sira. 32Ha’u la mai atu bolu ema diak sira, maibe ema maksalak sira atu hakribi sala.”
Today's Pointers on God's Word
As you read the passage what words, phases or meanings caught your attention?
- · Jesus hateten mai ita katak Nia mensajen ksolok rohan laek nian mak prezente ba ema hotu ne’ebé prontu atu simu no moris tuir ho di’ak iha sira nia moris.
- · Jesus mai atu tulun, liu-liu sira ne’ebé espiritualmente fraku no sira ne’ebé haka’as-an atu moris tuir Maromak Nia dalan eh hanorin sira; sira ne’ebé komete sala todan, halo sala bebeik no la hakribi sala no la esperimenta esperansa konversaun nian, Jesus partikularmente kompasivu ba sira.
- · Hanesan Levi, mai ita loke ita nia fuan no neon hodi simu Jesus no hahi Nia iha ita nia moris, nune’e ita rekoñese katak ita presiza Jesus Nia Espíritu Santu Nia kbi’it atu konverte ita definitivamente ba Nia dalan sira.