6a Semana Tempu Komun: Domingu, loron 11, fulan Fevereiru, 2024 February 11, 2024

Reflection on the WORD

Maluk sira mak Kristu hadomi,

“Ksolok boot sira iha Fiar”:  Iha Evangelho ohin nian, ema mane ida ne’ebé moras lepra, hetan fali saúde di’ak. Ho fiar profunda no gratidaun profunda ba Jesus, ema mane ne’e ba haklaken ninia ksolok boot ba ema hotu. Reflete; ita nia fiar no domin ba Jesus nakonu ho gratidaun profunda no alegria profunda ka lae? Se los duni, iha ka ninia “rezultadu” ne’ebé hatudu liu-hosi ita nia dezeju no ksolok sira hodi serbí Jesus; duke buka Jesus liu-tan ba ita nia-an de’it eh ba ita nia benefisiu de’it?    

Pe. Philip Heng, S.J.

Mk 1: 40-45

Jesus fo isin diak ba ema moras lepra ida

 

40Ema moras lepra ida mai hakbesik Nia, hakneak iha rai hodi husu Nia, “Ita hakarak karik, Ita bele hamos ha’u.” 41Jesus hanoin nia, lolo nia liman hodi kona nia dehan: “Ha’u hakarak; sai mos ba!” 42Iha oras ne'e kedas, moras lepra lakon no nia isin mos ona. 43Jesus haruka nia ba, hodi dehan ho oin maka'as,  44“Keta fo hatene ba ema ida, maibe la'o ba, hatudu o nia an ba amlulik hodi hasa'e buat nebe Moises haruka atu fo hatene katak o hetan ona isin diak.”  45Maibe ema ne'e sai hodi fo hatene kedas buat ne'e iha fatin hotu; nune'e Jesus la bele hatudu Nia An ona iha sidade sira. Nia la'o deit iha liur, iha rai fuik. Maibe housi fatin hotu ema mai buka Nia. 

Today's Pointers on God's Word

As you read the passage what words, phases or meanings caught your attention?

  • ·      La iha ema ida ne’ebé buka Jesus Nia tulun hetan Rejeisaun hosi Nia, liu-liu kiak sira, kbi’it  laek sira, sira ne’ebé ema despreza hanesan leprozu, sala na’in públiku sira hanesan prostituta sira no kobrador impostu sira.

  • ·      Na’i Jesus sempre prontu hatudu mai ita Nia mizerikordia. Wainhira Jesus hasoru ema moras lepra, Jesus iha kompaixaun profunda no laran mamar ba ema moras lepra nia terus sira.
  • Iha ka ema ruma ne’ebé ita konsidera fo’er no despreza ne’ebé ita lakohi habelun sira ka kria relasaun ruma ho sira? Oinsá Maromak dezafia ita atu hakbesik-an ba ema sira ne’e, ne’ebé ita iha difikuldade atu hadomi sira?