4ª Semana Tempu Komun: Kinta-Feira, loron 1, fulan Fevereiru 2024 February 1, 2024
Reflection on the WORD
Maluk sira mak Kristu hadomi,
Na’i Maromak Nia prezensa-Fiar: Iha Evangelho ohin nian, Jesus haruka Nia apóstolu sanulu resin-rua ba haklaken Lia-Foun Di’ak Salvasaun Nian no lori “Jesus Nia Dame Divina” ba ema hotu. Reflete; hanesan apóstolu sira, ita hetan konvite atu konfia iha Maromak Nia prezensa ne’ebé ativa, katak Nia serbisu ba ita nia salvasaun rohan laek. Reza lor-loron atu prátika fiar ho konsiénsia no gratidaun ba Maromak.
Pe. Philip Heng, S.J.
Mk 6:7-13
Sira sanulu resin rua
7Nia bolu sira sanulu resin rua hodi haruka sira na'in rua rua no haraik mos ba sira kbiit atu ukun espiritu foer sira. 8Nia haruka sira lori deit iha dalan aitonka ida; la bele lori bukae eh kohe, ka doit iha futukabun. 9Sira bele usa sandalias maibe la bele lori hatais tahan rua. 10Nia dehan ba sira, “Tama tiha iha uma ida, horik iha neba to'o imi fila. 11Fatin ruma la simu eh la rona imi karik, sai tiha housi neba hodi liki rai rahun housi imi nia ain nudar sasin hasouru sira.” 12Sira sai ba dau-daun hodi hanorin atu hakribi sala. 13Sira duni sai diabu barak no kose mina ba ema moras barak hodi halo sira hetan isin diak.
Today's Pointers on God's Word
As you read the passage what words, phases or meanings caught your attention?
- · Jesus hatene katak preokupasaun ba sasan mundu nian bele sai todan boot no bele perturba Nia eskolante sira hosi hala’o sira nia misaun lolos. Tan ne’e Nia fó instrusaun ba sira atu lori de’it ai-tonka no sandalias. La bele lori hena tahan rua!
- · Jesus refere ba sasan sira hanesan paun, moxilla (pasta), osan, roupa no sandalias. Sasan sira mensiona ne’e nia valor saida mak hanesan ba ita ohin loron? Hahan, propriedade ka riku-soin? Reflete kona-ba buat hirak ne’e!
- · Ita preokupa liu fali eh talvez hatodan-an ho riku-soin mundu nian iha ita nia moris lor-loron? Sira perturba eh teri netik ita atu moris nu’udar Kristaun ida ne’ebé fiel?