4ª Semana Tempu Komun: Kuarta-feira, loron 31, Janeiru, 2024 January 31, 2024

Reflection on the WORD

Maluk sira mak Kristu hadomi,

“Hakle’an ita nia Fiar”: Iha Evangelho loron ohin nian, povu sira iha Jesus nia sidade hakfodak tebes ba Jesus nia matenek no kbiit halo milagre atu kura ema. Maski nune'e, sira iha dúvida no la fiar katak Nia mak Mesias. Reflete; "Ita-nia pre-konseitu no sentimentu sira bele sai impedimetnu boot ba lialos sira Maromak nian, liuliu kuandu ita-nia fiar sai fraku. Ida-ne'e mós akontese hela ba ita ka la’e?"

 Pe. Philip Heng, S.J.

Mk 6:1-6

Ema hewai Jesus iha Nazare

               1Sai tiha housi fatin ne'e, Jesus fila fali ba nia rai. Nia eskolante sira tuir Nia.  2To’o tiha  loron Sabadu, Nia tama iha sinagoga atu hanorin. Ema sira nebe rona Nia koalia hakfodak hodi dehan ba malu, “Nia simu buat hirak ne'e hotu housi los nebe? Sa matenek mak fo tiha ba Nia? Oin sa mak Nia bele halo milagre bo-boot hirak ne'e?  3Nia la'os badaen ai nian, Maria nia oan; Tiago, Jose, Judas no Simao nia maun alin? Nia feton sira la horik iha ita le’et?”  4Sira sai bilan kona ba Nia. 5Jesus lia tun ba sira dehan: “Iha deit nia rai, iha deit nia uma no parenti sira le’et mak profeta ida la hetan naran boot.” Tan ne'e, Nia la bele halo milagre iha neba; Nia fo isin diak ba ema moras balun deit hodi tau liman ba sira. 6Nia hakfodak tamba sira fiar laek liu. Nune'e Nia la'o tiha ba knua sira nebe besik hodi hanorin iha neba.

Today's Pointers on God's Word

As you read the passage what words, phases or meanings caught your attention?

  • Ema sira husi Jesus nia hela fatin admira ho Jesus nia sabedoria. Sira mós prejudika atu simu Lialos ne’ebé sira rona husi Jesus. Sira lafiar katak Mesias bele mai his família karpenteiro ne’ebé sira konhese hela.
  • Ita hanesan kristaun iha mundu ohin loron mós laiha diferensa. Ita mós matan delek ba milagre sira Maromak nian ne’ebé akontese loro-loron iha ita nia moris no ita mós diuk ou la rona ba Evangelho ne’ebé ita rona husi proklamasaun iha Eukaristia sira ne’ebé ita partisipa.
  • Mai ita reza ba grasa atu ita bele hatene Lialos Jesus nian no bele simu Espíritu ne’ebé moris iha ita moris loro-loron iha ita nia dalan fiar nian.