4ª Semana Tempu Komun: Domingu, loron 28, Janeiru, 2024 January 28, 2024

Reflection on the WORD

Maluk sira mak Kristu hadomi,

 “Espíritu A’at”- Fiar: Iha Evangelho loron ohin nian, Jesus duni sai Espíritu a’at ne'ebé horik iha ema nia laran. Reflete; "Ita bele halo ita-nia fiar sai fraku liu husi ita kuriozidade no fiar iha Espíritu foer sira; liuliu se ita buka sira-nia ajuda. Jesus nu'udar ita-nia Salvador, nia kbiit boot no nakonu ho laran-sadi'a.Hametin ita-nia fiar ba Jesus iha tempu hotu."

Pe. Philip Heng, S.J.

Mk 1:21b-28

Ema ida ho espiritu foer

 21Sira ba to'o Kafarnaum. Wainhira loron Sabadu to'o, Nia tama iha sinagoga hodi hanorin. 22Ema sira hakfodak ho Nia hanorin, basa Nia hanorin hanesan ema nebe iha kbiit, la'os hanesan eskriba sira. 23Teki-teki, mane ida ho diabu iha nia laran mosu iha sinagoga hodi hakilar dehan: 24“Iha buat sa iha ami no O nia le’et, Jesus Nazare? O mai atu halakon ami? Ha’u hatene O se los: O Maromak nia  santu!” 25Maibe Jesus lia tun ba nia hodi dehan: “Nonok no sai housi nia!” 26Espiritu foer ne’e doko maka'as ema ne'e hodi hakilar, hafoin sai housi nia. 27Ema sira hakfodak teb-tebes. Nune'e, sira husu ba malu dehan: “Sa mak ne'e? Hanorin foun ida ho kbiit! Nia haruka espiritu foer sira no sira halo tuir Nia.” 28Nia naran sai boot iha fatin hotu iha Galileia tomak.

Today's Pointers on God's Word

As you read the passage what words, phases or meanings caught your attention?

  • Jesus hanorin ita ho autoridade, no fariseu no Eskriba sira hanorin liuhusi sitasaun autoridade ida. Jesus nia autoridade mak hatudu husi nia an; Maromak de’it mak bele iha autoridade hanesan ne’e. tanba ne’e, ema sira ne’ebé rona nia sente admira tebes.
  • Ohin loron ema sira hetan bosok husi poder mass media nian no husi propaganda bisnis no politika sira. Sira moris hanesan atan ba konsumerismu, hetan kontrola husi poder osan nian no liuhusi propaganda anunsiu sira no rekomendasaun sira.
  • Examina ita bo’ot nia estilo moris nian. Husu Na’i Maromak atu hatudu bai ta bo’ot parte balun ne’ebé ita bo’ot presiza atu troka, atu nune’e ita bo’ot nia moris ha-abut los iha evangelho Kristu nian no hetan inspirasaun husi Nia moris, Mate no Ressurreisaun no latuir valor sira mundu nian.