3ª Semana Tempu Komun: Tersa-feira, loron 23, Janeiru, 2024 January 23, 2024
Reflection on the WORD
Maluk sira mak Kristu hadomi,
“Maromak Nia Hakarak”-Fiar: Iha Evangelho loron ohin nian, Jesus nia Parente sira buka tuir Jesus, no Nia haklaken ba sira, “ema ne’ebé halo tuir Maromak nia hakarak mak sai nu’udar Ha’u nia maun alin, feton, no inan”. Reflete; Ita nia relasaun metin no kle’an liu iha ita nia moris mak hamutuk ho Maromak. No dalan ne’ebé diak lolos atu moris tuir lolos, mak halo tuir Maromak nia hakarak. Maria moris no obedese Maromak nia hakarak ho perfeitu. Ita iha fuan mós no lolos ka la’e wainhira ita moris no halo tuir Maromak nia hakarak loron loron?
Pe. Philip Heng, S.J.
Mk 3: 31-35
Jesus Nia inan no maun alin
31Nia inan no maun alin sira to'o iha neba. Sira hamriik iha liur hodi hameno lia atu bolu Nia. 32Ema barak tur haleu Nia no sira dehan ba Nia, “O nia inan no maun alin sira hela iha liur buka O.” 33Nia hatan ba sira: “Se mak Ha’u nia inan no maun alin sira?” 34Hodi hateke ba sira nebe tur hale’u Nia, Nia dehan: “Sira ne'e mak Ha’u nia inan no maun alin sira. 35Basa ema nebe halo tuir Maromak nia hakarak, ema ne'e mak Ha’u nia maun alin, bin feton no inan.”
Today's Pointers on God's Word
As you read the passage what words, phases or meanings caught your attention?
- Iha Evangelho ohin, Jesus hanorin ita katak ita mós hola parte iha família Kristu nian wainhira ita moris tuir Maromak nia hakarak iha ita nia moris loro-loron.
- Oinsa ida ne’e bele posível? Primeiro, ita presiza atu loke ita nia fuan ba Maromak nia Espíritu Santu ne’ebé mak iha ita nia an hodi simu entendimentu, forsa no diresaun hodi lori ita nia moris tuir dalan Maromak nian. Segundu, ita presiza atu moris tuir dalan ida ne’e ho ita nia konsiensia loro-loron.
- Ita presiza grasa barak atu servisu loro-loron tuir dalan sira Maromak nian tanba ida ne’e la fasil. Nune’e, reza atu Maria ita nia Inan atu intercede ba ita. Nia mak besik liu ba nia Oan mane atu nune’e nia sei hanorin ita oinsa atu moris tuir lolos Maromak nia hakarak.