2ª Semana Tempu Komun: Sesta-feira, loron 19, Janeiru, 2024 January 19, 2024
Reflection on the WORD
Maluk sira mak Kristu hadomi,
“Jesus nia Apostolu” – fiar: Iha Evangelho loron ohin nian, Jesus fihir nia apostolos sanulo resin rua. Nia sei hatudo no haruka sira ba missaun hodi haklaken Liafuan Diak salvasaun nian. Sira sei simu Maromak nia grasa sira no poder atu kura no duni sai diabu sira. Reflete; “nu’une mós, wainhira Jesus haruka ita atu serbí Nia, Jesus mós sei fó ba ita Maromak nia kbi’it atu bele kumpri ita serbisu sira hodi Nia naran, no ba Nia glória ne’ebé boot liu tan.
Pe. Philip Heng, S.J.
Mk 3: 13-19
Jesus fihir Nia emar sanulu resin rua
13Jesus sa'e ba foho no bolu sira nebe Nia hakarak, no sira la'o ho Nia. 14Nia fihir ema na'in sanulu resin rua atu la'o hamutuk ho Nia no haruka sira atu haklaken 15hodi hetan kbiit atu duni sai diabu sira. 16Nia hili sira sanulu resin rua ne'e: Simao, nebe Nia hanaran Pedro: 17Tiago, Zebedeu nia oan, no Joao, Tiago nia alin. Sira ne'e Nia hanaran Boanerges, katak rai tarutu nia oan: 18Andre, Filipe, Bartolomeu, Mateus, Tome, Tiago, Alfeu nia oan, Simao Kananeo 19no Judas Iscariotes, nebe sei saran Nia.
Today's Pointers on God's Word
As you read the passage what words, phases or meanings caught your attention?
- Wainhira Jesus hili ninia eskolante sira, Nia fó ba sira grasa no poder atu serbí no proklama Reinu Na’i nian iha buat hotu ne’ebé sira halo.
- Nune’e mós ho ita wainhira ita serbí Nia, ita mós sei simu grasa sira ne’ebé nesesariu no poder atu halo buat hotu ne’ebé ita presiza iha ita nia servisu - ne’ebé inklui dejafiu sira kona-bá dificuldade sira ne’ebé mosu iha ita nia servisu sira.
- Ita bo’ot bele ona moris iha dejafiu sira hodi serbí Na’i iha ita bo’ot nia ministériu no iha ita bo’ot nia moris loro-loron, espesialmente wainhira provasaun sira aparentemente la bele kontrola?