2ª Semana Tempu Komun: Kuarta-feira, loron 17, Janeiru, 2024 January 17, 2024
Reflection on the WORD
Maluk sira mak Kristu hadomi,
“Jesus nia Kompaisaun”:Iha Evangelho loron ohin nian, Jesus kura ema ida ho liman maten iha loron Sábadu, maibé fariseu sira laran nakali no hahú planu atu oho Nia. Reflete; maski buat saida de’it mak ita iha kona-bá ita nia perséctiva haré no komprensaun sira kona-bá moris, ita labele hakanek qualquer ema ida ho intensaun ladiak. Ida ne’e tamba Jesus iha nia Liafuan Diak mak ida ne’ebé mak husi paz, laran luak sadia no kompaisaun.
Pe. Philip Heng, S.J.
Mk 3: 1-6
Ema ho liman aat
1Jesus tama fali sinagoga ida. Iha neba iha ema nebe liman aat. 2Sira hateke ba Nia atu hare keta Nia fo isin diak ba nia iha loron Sabadu, hodi hein atu foti lia ruma hasouru Nia . 3Nia dehan ba ema ho liman aat: “Hamriik mai iha klaran!” 4Tuir mai, Nia husu sira: “Iha loron Sabadu, bele halo diak eh halo aat, soi ema nia moris eh oho nia?” Maibe sira nonok deit. 5Hateke ba ema hotu nebe hale’u Nia, no laran nakali tebes hodi laran susar tan sira nia laran tos, Nia dehan ba ema ne'e, “Lolo o nia liman.” Nia lolo duni nia liman, no nia liman diak kedas. 6Fariseu sira sai ba liur hodi la'o hamutuk ho Herodes nia emar sira hodi buka oin sa sira bele oho Nia.
Today's Pointers on God's Word
As you read the passage what words, phases or meanings caught your attention?
- Lei sira Judeu nian la permite atu kura ema sira ne’ebé defeciente iha liman no asaun diak sira seluk iha loron Sábadu.
- Maibé, ba Jesus, laiha restrisaun ou bandu hodi halo buat diak wainhira mosu nesesidade. Kompaisaun mak valor ida ne’ebé presiza atu hatudu iha tempu tomak, ba ema hotu-hotu no iha fatin hotu-hotu.
- Oinsa kona-bá ita? Ita iha kompaisaun ne’ebé iha limitasaun ba ema balun de’it ou ita iha kompaisaun ne’ebé kondisional ba tempu saida de’it ne’ebé la inkoviniensia ba ita. Ou ida ne’e domin inkondisional tanba ida ne’e, mak ita presiza moris tuir Evangelho Jesus nian?