DGEMs

Maluk sira mak Kristu hadomi, 

Mesias nia moris: Evangelho ohin revela katak “Messias mak moris ona ba ita nia mundu, ba ita nia Salvasaun Rohan La’ek”.  Bibi-atan sira, kiak husi kiak sira, mak sira ne’ebé uluk liu simu mensagem liu husi Anju sira.!  Reflete: “Maromak nia intervensaun ida ne’e, transfomra ona ita nia mundu salan nian ba mundu ida ne’ebé iha esperansa lós; la ho terus ne’ebé labele tahan.”

Pe. Philip Heng, S.J.

6Wainhira sira sei iha neba, Maria nia loron atu tur ahi to’o dau-daun. 7Nia tur ahi nia oan mane boot, hodi haneras no hatoba nia iha balada han fatin, basa la iha fatin oan ida ba sira iha uma laran.

8Iha fatin neba iha bibi atan balun, nebe kalan kalan hein sira nia bibi iha rai luan. 9Na’i nia anju mosu ba sira. Maromak nia gloria nabilan iha sira le’et. Sira hakfodak teb-tebes. 10Tuir mai anju dehan ba sira: “Imi keta tauk, basa ha’u lori liafoun diak ida ba imi, nebe sei haksolok mos povu tomak: 11ohin iha David nia sidade, foin moris ba imi Maksoin ida, katak Kristu Na’i. 12Sinal ba imi mak ne’e: imi sei hetan kosok oan ida haneras no toba iha balada han fatin.” 13Teki-teki anju lubun boot ida halibur hamutuk ho anju ne’e hodi hahi Maromak dehan: 14“Gloria ba Maromak iha leten aas ba, dame iha raiklaran ba ema sira nebe Nia hadomi!”