DGEMs

Maluk sira mak Kristu hadomi,

“Maria nia orasaun Magnificat”: Iha Evangelho ohin, Maria proklama nia “Magnificat” atu hahí Maromak nia grandeza.  Nia haré Nia-an hanesan “atan” ida iha Maromak nia planu salvasaun nian; no revela Maromak nia justisa ba urgulho no ema boot sira, no Nia kompaixaun infinita ba kiak no terus sira. Reflete: “Ita harohan ho Maria no buka nia inspirasaun sira no Domin Inan nian?”

Pe. Philip Heng, S.J.

Maria nia knananuk
“Ha’u klamar hahi Na’i,

47ha’u neon haksolok

    iha Maromak ha’u Maksoin.

48Basa Nia hare nia atan feto nebe folin laek.

    Tebes duni, houri ohin ba oin

    Ema hotu sei dehan ha’u rahun diak.

49Basa Ida nebe bele buat hotu

    halo buat kmanek wa’in tebes mai ha’u.

    Nia naran santu.

50Nia laran luak houri otas

    ba sira nebe hamtauk Nia.

51Nia hatudu nia liman nia kbiit,

    hodi halakon ema loko an sira.

52Nia hamonu ukunna’in sira

    housi sira nia tur fatin,

    hodi foti fali ema kiik sira.

53Nia haraik buat diak hotu ba ema mukit sira,

    hodi haruka ema riku sira

    ba ho liman mamuk.

54Nia tau matan ba nia atan Israel

    hodi hanoin fali nia laran luak,

55tuir lia menon nebe Nia hakotu ona

    ba ita nia bei ala sira,

    ba Abraao no nia bei oan sira ba nafatin.”