DGEMs

Maluk sira mak Kristu hadomi,

“Maria – Maromak nia planu Salvasaun”: Iha Evangelho ohin, Anju Gabriel ba fó hatene  Maromak nia vontade ba Maria; katak nia mak hili atu sai Inan ba Messias.  Maria, simu Maromaka nia vontade ho humildade boot no fiar iha Maromak nia kuidadu protetora, hanesan nia foti risku atu “hetan tuda mate” iha públiku ka ema hotu nia-oin. Reflete: “Ita tau Maromak nia vontade antes ita nia tauk sira no seguransa falsa sira iha ita nia moris?"

Pe. Philip Heng, S.J.

Anju Gabriel fo hatene ba Maria katak Jesus atu moris

26Iha fulan neen, Maromak haruka anju Gabriel ba knua ida Galileia nian, naran Nazare, 27ba fetoran ida nebe hakotu tiha ona ba mane ida naran Jose, housi David nia umakain; fetoran ne’e naran Maria. 28Tama tiha iha uma, anju dehan: “Rahun diak, feto kmanek wa’in tebes! Na’i ho ita!” 29Rona tiha lia ne’e, nia laran taridu hodi husu ba nia an rasik kumprimentu ne’e katak sa los. 30Anju dehan ba nia: “Keta tauk, Maria; basa o hetan rahun diak tebes iha Maromak futar oin. 31O sei ko’us no tur ahi oan mane ida. O sei hanaran Nia Jesus. 32Nia sei sai ema boot; ema sei hanaran Nia Na’i aas liu hotu nia Oan. Na’i Maromak sei haraik ba Nia nia aman David nia kadunan. 33Nia sei ukun Jacob nia umakain ba nafatin; nia ukun sei rohan laek.”  .” 38Maria dehan: “Ne’e sa, Na’i nia atan oan mak ne’e. Halo tuir ita liafuan ba!” Hafoin anju husik nia.