1ª Semana Adventu nian: Kinta-feira, loron 07, fulan Dezembru, 2023 December 7, 2023
Reflection on the WORD
Maluk sira mak Kristu hadomi,
Fundasaun fiar nian: Iha Evangelho ohin, Jesus fó hanoin ba Nia discípulu sira katak sira nia fiar iha Lia-Foun Diak Salvasaun nian tenki harí no hatudo iha asaun sira, no la’os hanesan iha lia-fuan mamuk sira de’it. Reflete: “Sasin ita nia fiar nian iha Jesus haforsa ita nia relasaun ho Nia. Oinsa ita fó “sasin” kona-bá ita nia domin ba Jesus, iha ita moris lor-loron; no especialmente durante tentasaun sira iha ita nia moris?”
Pe. Philip Heng, S.J.
Mt 7:21,24-27
Eskolante diak los
21“La’os ema hotu nebe dehan mai Ha’u: ‘Na’i, Na’i!’ sei tama iha reinu lalehan, maibe nia deit nebe halo tuir Ha’u Aman iha lalehan nia hakarak. 24“Ne’e duni, ema nebe rona Ha’u nia liafuan hirak ne’e hodi moris tuir, nia hanesan ema matenek nebe harii nia uma iha fatuk leten; 25udan tau, mota tun, anin hu’u hasouru uma ne’e, maibe uma la monu basa hamriik iha fatuk leten. 26Maibe, ema nebe rona Ha’u nia liafuan hirak ne’e, no la halo tuir nia, nia hanesan ema beikten nebe harii nia uma iha rai henek leten. 27Udan tau, mota tun, anin hu’u hasouru hodi sobu uma ne’e; uma ne’e monu. Nia rahun aat liu.”
Today's Pointers on God's Word
As you read the passage what words, phases or meanings caught your attention?
- · Halo leitura, estuda no iha matenek kona-bá Lia-Fuan Maromak nian ne’e diak ona, maibé importante liu maka Jesus dehan ba ita atu moris tuir Lia Los Lia Fuan Maromak nian iha ita nia hahalok konkreta.
- · Hanesan ema dehan, ita nia asaun ko’alia makas liu fali liafuan, ita nia hahalok domin mak importante liu fali Lia Fuan midar sira sai husi ita nia ibun.
- · Se ita hadomi Maromak no fiar iha nia revelasaun lia los, nune’e, ita nia fiar tenki metin no kle’an iha Maromak atu nune’e buat hotu ne’ebé ita halo no moris mak ba Maromak nia Glória boot liu tan.