DGEMs

Maluk sira mak Kristu hadomi,

Jesus nia Kompaixaun: Iha Evangelho ohin, Jesus hatudo nia kompaixaun no preokupa kona-bá ema wain ne’ebé hamalaha. Ida ne’e revela katak, Maromak nia domin ba humanidade ne’e mak ema nia-an tomak: i.e. ita iha necessidade fisika no emosional no, importante liu maka ita nia necessidade  spiritual ba Salvasaun Rohan la’ek.  Reflete: “sabedoria lolos mak moris no obedese Maromak nia domin no vontade, iha aspetu hot-hotu ita nia moris.”

Pe. Philip Heng, S.J.

Fo isin diak ba ema moras barak

29Sai tiha housi neba, Jesus liu ba to’o tasi Galileia. Nia sa’e ba foho ida hodi tur iha neba. 30Ema barak mai buka Nia. Sira lori ema ain aat sira, ema moras sira, matan delek sira no monok sira, ho tan sira barak seluk hodi tau sira iha nia ain; no Jesus fo isin diak ba sira. 32Bolu tiha nia eskolante sira, Jesus dehan ba sira: “Ha’u hanoin ema lubun ne’e, basa loron tolu ona mak sira la’o tuir Ha’u, la han buat ida. Ha’u lakohi haruka sira ba ho kabun mamuk, keta sira monu iha dalan karik.” 35Haruka tiha ema lubun boot tur hotu iha rai, 36Nia kaer paun fuan hitu ho ikan sira, fo obrigadu, silu hodi fahe ba eskolante sira atu fo ba povu. 37Sira hotu han to’o bosu. Hafoin sira tau baluk sira nebe resin ba luhu hitu nakonu.

• ·      Iha Evangelho ohin Jesus demonstra poder Maromak nian no magnitude husi nia miserikórdia wainhira nia fó han ema mane rihun lima no kura ema barak ne’ebé moras no besik atu mate. 

• ·      Maromak hatene no sempre fó ba ita buat barak liu fali saida maka presiza no merese atu hetan. Importante liu, Nia habosu ita ho nia lia fuan moris ne’ebé fo ba ita no paun lalehan atu ita bele hetan moris rohan la’ek ho Nia.

• ·      Ita fiar katak ita nia Na’i de’it maka satisfaz ita nia hamrok no ita nia hamlaha ita nia fuan? Ita fiar katak laiha buat ruma iha mundu bele satisfaz ita iha dalan ne’ebé mak Maromak nia Lia fuan no isin no ran?