DGEMs

Maluk sira mak Kristu hadomi,

“Buka Maromak”-Fiar: Iha Evangelho ohin nian, wainhira matan-delek hakilar ba Jesus, atu kura nia, ema lubun hirus no hateten nia atu nonok. Reflete; kona-bá, “ Ema barak koko atu deskoraja imi atu fila ba Jesus ba imi nia presiza, ou besik liu tan ba Maromak no hadomi liu Nia? Reza ba koragen atu hakilar ba Jesus maski ema seluk la fó koragen”.

Pe. Philip Heng, S.J.

Ema matan delek housi Jeriko

            35Wainhira sira hakbesik Jeriko, ema matan delek ida tur iha dalan ninin hodi husu esmola. 36Rona tiha ema lubun boot liu dau-daun, nia husu sa ida mak mosu. 37Sira hatan, “Jesus housi Nazare liu dau-daun.” 38Ne’e duni, nia hakilar: “Jesus, David nia oan, sadia atan ha’u!” 39Sira ne’ebé la’o iha oin haksi’ak nia atu nonok tiha, maibé nia hetok foti lia maka’as liu tan: “David nia oan, sadia atan ha’u!” 40Jesus para hodi haruka sira lori nia mai. Wainhira ema matan delek ne’e hakbesik, Jesus husu ba nia: 41“O hakarak Ha’u halo sa ida ba o?” Nia hatan: “Na’i, atu ha’u haré fali!” 42Jesus dehan ba nia: “Haré fali ba; o nia fiar soi tiha o.” 43Nia haré kedas no hahu tuir Jesus hodi hawelok Maromak. Haré tiha ne’e, povo tomak hahi Maromak.