DGEMs

Maluk sira mak Kristu hadomi,

“Maromak nia bensaun-Fiar”: Iha Evangelho ohin nian, Jesus haklaken “Aiknanoik Talentu sira” atu fó hanoin ita kona-bá ita nia responsabilidade uza Maromak nia bensaun plenamente, liu husi moris hanesan Kristu. Reflete; “wainhira ita moris Jesus nia Evangelho, ho fuan diserne, Maromak ita nia Aman nia vontade, sei sai klaru liu tan mai ita liu husi frutu espiritual paz, ksolok, domin, serbí, sakrifisiu, esperansa.”

Pe. Philip Heng, S.J.

Aiknanoik osan talenta sira nian

14“Sei hanesan mos ema ida ne’ebé, molok atu ba la’o rai, bolu nia atan sira hodi husik nia rikusoi ba sira. 15Ba ida nia fo osan talenta lima, ba ida seluk nia fo rua, ba ida seluk tan nia fo ida; ba ida-ida tuir nia kbiit. Hafoin nia la’o tiha. 16Ida ne’ebé simu talenta lima ne’e, fila liman kedas ho sira hodi manan tan lima. 17Nune’e mos, ida ne’ebé simu rua, manan tan rua, 18maibé, ida ne’ebé simu de’it ida, ba ke’e rai kuak hodi hakoi subar nia na’i nia osan. 19Kleur tiha, atan sira ne’e nia na’in fila mai hodi husu sira kona ba nia osan. 20Ida ne’ebé simu talenta lima hakbesik hodi fo fali lima tan ba nia dehan: ‘Na’i, ita fo talenta lima mai ha’u, talenta lima tan ne’ebé ha’u manan mak ne’e.’ 21Na’i dehan ba nia: ‘Diak los, atan diak no laran los; tan o hatudu laran los iha buat ne’ebé uitoan, ha’u sei fo buat barak ba o atu tau matan. Tama ba o na’i nia ksolok.’