DGEMs

Maluk sira mak Kristu hadomi,

“Reza kontinuamente” - Fiar: Iha Evangelho ohin nian, Jesus husu Nia eskolante sira atu reza kontinuamente” hanesan Maromak ne'ebé nakonu kompaixaun sei rona sira nia orasaun no hatene sira nia presiza.  Reflete; “orasaun  sira hotu tenki dirigi ba Maromak, ita nia Aman, a través Jesus ho Maria, no liu husi inspirasaun Espiritu Santu. Loke imi nia fuan ba no hakonu ho Maromak nia domin, laran luak no esperansa.

Pe. Philip Heng, S.J.

Juis aat

            1Tuir mai, Nia haktuir aiknanoik ida ba sira: sira sei harohan nafatin hodi la bele kole dehan; 2“Iha sidade ida iha juiz ida ne’ebé la tauk Maromak, la respeita ema. 3Iha sidade ne’e mos iha feto faluk ida ne’ebé ba hasouru nia dehan: ‘Halo lai justisa ba hasouru ha’u nia funubalun.’ 4Dala barak ona mak nia lakohi rona. Maibé loron ida nia dehan ba nia an: ‘Maski ha’u la tauk Maromak, no mos la respeita ema, 5atu feto faluk ne’e la bele fo bei-beik ulun moras mai ha’u, ha’u sei halo duni justisa ba nia atu nia la bele mai halo kole tan ha’u.’ 6Nune’e Na’i dehan: rona di-diak buat ne’ebé juiz aat ne’e dehan. 7Ne’e duni, Maromak sei la halo justisa ba sira ne’ebé Nia fihir, ne’ebé kalan loron hasa’e lia makaas ba Nia, hodi halo sira hein kleur tan? 8Tebes, Ha’u dehan ba imi katak Nia sei halo kedas justisa ba sira. Maibé wainhira Oan Mane sei fila hikas mai, Nia sei hetan fiar iha raiklaran ka lae?”