DGEMs

Maluk sira mak Kristu hadomi,

“Fariseu sira nia fiar”: Iha Evangelho ohin nian, Jesus fó hanoin ema barak atu tuir eskribas no fariseu sira, maibé labele tuir sira nia dalan moris, tamba sira la moris tuir saída mak sira haklaken. Reflete; “wainhira ita la moris tuir saída ita haklaken kona-bá Maromak, ita lakon ita nia kredibilidade no oportunidade atu inspira ema seluk atu krese besik liu Maromak. Ita nia moris bele sai mós hipócrita.

Pe. Philip Heng, S.J.

Hasouru eskriba no fariseu sira

1Tuir mai Jesus ko’alia ba ema lubun boot no ba nia eskolante sira dehan: 2“Eskriba no fariseu sira tur iha Moises nia kadeira. 3Ne’e duni, simu ba hodi halo tuir buat hotu ne’ebé sira dehan ba imi; maibé keta tuir sira nia hahalok, basa sira ko’alia maibé la halo. 8Imi fali, keta husik ema hanaran imi ‘Rabbi’, basa imi nia Mestre ida de’it, no imi hotu mesa maun alin. 9Keta bolu ema ida aman iha rai, basa imi nia Aman ida de’it, ne’ebé iha lalehan. 10Keta husik ema hanaran imi doutor, basa imi nia doutor ida de’it: Kristu. 11Ida ne’ebé boot liu iha imi le’et sei sai imi nia atan. 12Ida ne’ebé foti an, Na’i sei hatun nia; ida ne’ebé haraik an, Na’i sei hahi nia.”