DGEMs

Maluk sira mak Kristu hadomi,

“Humildade”- Fiar: iha Evangelho ohin nian, Jesus hateten ba ema fariseu sira, ne’ebé nakonu ho orgulhu no glória ba an-rasik, ne’ebé bolu ita hotu atu haraik-an, hanesan riku, poder, no glória, buat sira ne'e hotu mai husi Maromak. Reflete; kona-bá ita nia gratidaun ba Maromak ba ita nia bensaun sira hotu? Se nune’e, frutus husi gratidaun sira ne’e mak buat ne’ebé ita fahe jenerozamente ho ema seluk, espesialmente kiak no ema ne’ebé presiza.

Pe. Philip Heng, S.J.

Milagre ida tan iha loron Sábadu

            1Iha loron Sabadu ida, Jesus tama iha fariseu boot ida nia uma atu han. Sira hotu hateke ba Nia. 7Haré tiha oin sa bainaka balun fihir tur fatin diak, Jesus haktuir ba sira aiknanoik ida ne’e: 8“Ema ruma konvida karik o ba festa kaben ida, keta tur iha meja ulun; keta uma na’in konvida ema boot liu o karik; 9hafoin, ema ne’ebé konvida imi na’in rua sei dehan ba o: ‘Fo lai fatin ba ema ne’e.’ Nune’e o sei moe boot, hodi ba tur iha fatin ikus liu. 10Maibé wainhira ema konvida o, ba tur iha fatin ikus liu; nune’e, wainhira ema ne’ebé konvida o to’o mai, nia sei dehan ba o: ‘Belun, mai tur liu leten.’ Nune’e ema hotu ne’ebé tur hamutuk iha meja sei hahi o. 11Basa ema ne’ebé foti an, Na’i sei hatun nia; no ema ne’ebé haraik an, Na’i sei foti nia.”