30ᵃ Semana Tempu Komun: Tersa-feira, loron 31, fulan Outubro, 2023 October 31, 2023
Reflection on the WORD
Maluk sira mak Kristu hadomi,
"Reino Maromak nian – Fé: Iha Evangelho ohin, Jesus proklama katak Maromak nia Reinu hanesan grão de mostarda nebe mak kik liu entre semente sira hotu maibe depois kuandu krexe sai aihun bot ida. Reflete: wainhira ita nia fuan seriu hodi dezeja atu sinceramente amar, servir no viver iha Dalan Maromak nian, Nia sei haraik mai ita grasa hotu nebe mak ita presiza hodi krexe iha ita nia relasaun ho Nia. No ita bele deskobre Reinu Maromak nian iha ita nia sanctuariu ka ita nia fuan.
Pe. Philip Heng,S.J.
Lk 13:18-21
18Hafoin Nia dehan: “Maromak nia reinu hanesan sa ida los, eh Ha’u sei tanesan nia ho sa ida? 19Nia hanesan mustarda musan nebe ema ida kaer hodi kuda iha nia to’os. Musan ne’e moris hodi sai aihun boot ida, manu sira housi lalehan mai tur iha nia sanak sira.” 20Nia dehan tan: “Ha’u sei tanesan Maromak nia reinu ho sa ida los? 21Nia hanesan fermentu nebe feto ida tau iha farina sasukat tolu, to’o masa tomak sa’e.”
Today's Pointers on God's Word
As you read the passage what words, phases or meanings caught your attention?
- • Reinu Maromak nian komesa krexe iha ita nia fuan hanesan grão de mostarda nebe kik oan los. Ita presiza kultiva no alimenta nia atu bele krexe no amadurese iha ita nia conhecimento kona ba Maromak. Nune’e mak ita bele sai Maromak nia instrumentu no bensaun ba ema seluk.
- •Ita presiza reza konstantemente atu permite Reinu Maromak nian hodi iha abut iha fuan no ita presiza alimenta nia ho Eukaristia atu tuir Cristo besik liu tan iha ita nia moris.
- •Wainhira ita loke ita nia neon no fuan ba Espirito Santo, ita nia moris sei transformada ho poder Espirito ida ne’e nebe hela iha ita hanesan fermentu nebe ita tau ba massa hodi halo paun. Ita bele husu; oinsa mak ita nutrir ka kultira Espirito, nebe hela iha ita nia fuan, iha ita nia moris lorloron.