28ᵃ Semana Tempu Komun: Tersa-feira, loron 17, fulan Outubro, 2023 October 17, 2023
Reflection on the WORD
Maluk sira mak Kristu hadomi,
"Fiar nebe kle’an ba Maromak": Iha Evangelho ohin, Jesus dezafia farizeu sira atu examina sira nia fiar hodi hare sei sira nia fiar ne’e autêntica ka hipócrita deit. Reflete: wainhira ita moris no pratika ita nia fiar hanesan ba missa, halo asaun karitativa no halo asaun de kompaixaun sira, ita halo ho sincero no halo tamba ita nia profundo amor ba Maromak, ka ita halo hanesan ‘show’ ida, hakarak atu hatudu deit katak ita laran diak?
Pe. Philip Heng,S.J.
Lk 11:37-41
37Jesus sei koalia hela, fariseu ida konvida Nia atu han iha nia uma. Nia tama hodi tur iha meja. 38Fariseu hakfodak, basa hare Nia la fase an molok atu han. 39Na’i dehan ba nia: “Imi fariseu sira hamos kopu no bikan nia liur, maibe imi nia laran nakonu ho hakarak atu hadauk sasan no hanoin aat. 40Beikten sira! Ida nebe halo buat nebe iha liur, la halo mos buat nebe iha laran? 41Imi fo esmola housi imi nia laran, no buat hotu sei sai mos ba imi.
Today's Pointers on God's Word
As you read the passage what words, phases or meanings caught your attention?
- · Iha Evangelho ohin, Jesus dehan ba ita katak ita presiza oferese mente no fuan nebe mak mos do que halo sakrifisiu balun nebe so hatudu deit katak ita santu maibe ita nia mente no fuan nebe makerek.
- · Jesus enkoraza ita atu wainhira ita hakarak fo ka doar – ita presiza livre hodi fo generozamente ba sira nebe presiza ita nia ajuda. Ita presiza fo ho Domin no kompaixaun. Ho nune’e mak ita bele garantia ita nia fatin iha Lalehan iha loron ikus.
- · Se ita permite atu Maromak nia domin transforma ita nia mente no fuan, ita sei hetan duni Amor, Mizerikordia, Kompaxaun no Bondade. Nune’e ita nia esperansa ba Moris Rohan Laek bele sai realidade iha moris nebe se mai.