26ᵃ Semana Tempu Komun: Sábado, loron 7, fulan Outubro, 2023 October 7, 2023
Reflection on the WORD
Maluk sira mak Kristu hadomi,
"Tersu ka Rosario – Fé”: Iha Evangelho ohin, ita rona Anunciação nebe Anjo Gabriel koalia kona ba Jesus nia moris ka Mistério Jubiloso. Iha Tersu ia mos Mistério seluk hanesan misterio Luminosos, Dolorosos no Gloriosos. Reflete: wainhira ita medita ka reflete kona ba Jesus ninia moris liu husi reza rosario ka tersu sei tulun ita atu haklean ita nia domin ba Jesus liu husi harohan da’et Maria nebe sempre hadomi ita iha tempu hothotu.
Pe. Philip Heng,S.J.
Lk 1:26b-32,34-35,38
26Iha fulan neen, Maromak haruka anju Gabriel ba knua ida Galileia nian, naran Nazare, 27ba fetoran ida nebe hakotu tiha ona ba mane ida naran Jose, housi David nia umakain; fetoran ne’e naran Maria. 28Tama tiha iha uma, anju dehan: “Rahun diak, feto kmanek wa’in tebes! Na’i ho ita!” 29Rona tiha lia ne’e, nia laran taridu hodi husu ba nia an rasik kumprimentu ne’e katak sa los. 30Anju dehan ba nia: “Keta tauk, Maria; basa o hetan rahun diak tebes iha Maromak futar oin. 31O sei ko’us no tur ahi oan mane ida. O sei hanaran Nia Jesus. 32Nia sei sai ema boot; ema sei hanaran Nia Na’i aas liu hotu nia Oan. Na’i Maromak sei haraik ba Nia nia aman David nia kadunan. 34Maria husu ba anju: “Ne’e sei sai oin sa los, basa ha’u la hola mane?” 35Anju hatan ba nia dehan: “Espiritu Santu sei tun ba o no Na’i aas liu hotu nia kbiit sei hamahan o. Tan ne’e santu nebe atu moris sei hanaran An ‘Maromak nia Oan.’ ” 38Maria dehan: “Ne’e sa, Na’i nia atan oan mak ne’e. Halo tuir ita liafuan ba!” Hafoin anju husik nia.
Today's Pointers on God's Word
As you read the passage what words, phases or meanings caught your attention?
- • Maromak ne infinitu no todo poderoso. Maromak será sempre misteriu ba ita no sentidu que ita labele kompriende Maromak ho ita nia limitasaun humana. Mesmo hanesan ne’e, Maromak bolu ita tau ita nia konfiansa tomak iha Nia hanesan Maria – ita nia Inan nebe hatudu ona exemplu ba ita.
- • Ita hotu tau ita nia konfiansa iha Maromak nia liman maibe dalabarak ita halo ida ne’e ho kondisaun - hanesan ‘ha’u sei ba missa kuandu ha’u iha tempu livre’, ‘ha’u sei reza wainhira Maromak hatudu sinal ida ne’e mai ha’u’ – no fim ita hakarak Maromak halo tuir ita nia hakarak, ita hakarak sai maromak ba ita nia-an.
- • Reflete kona ba Envagelho ohin, loron Anunciação iha nebe Maria tau nia konfiansa tomak ba Maromak, Maria fiel hodi moris tuir Maromak nia Vontade ho sakrifisiu balun nebe Maria presiza halo iha ninia SIM ba anjo Gabriel.