26ᵃ Semana Tempu Komun: Tersa-feira, loron 3, fulan Outubro, 2023 October 3, 2023
Reflection on the WORD
Maluk sira mak Kristu hadomi,
"Rejeita Jesus": Iha Evangelho ohin, wainhira Jesus iha dalan ba Jerusalem, Nia passa povoadu balun iha nebe ema gentiu sira nebe hela iha neba lakohi atu simu Jesus. Ema gentiu sira ne’e tenta atu impede Jesus nia missaun hodi haklaken Planu Salvasaun Aman Maromak nian. Reflete: ema barak koko atu impede Maromak nia Vontade hodi moris tuir kompromisu matrimonial, sacerdotal no vida religiosa. Ema barak buka adota estilu de vida sekular nebe lori sira hodi buka gloria ba-an rasik no satisfasaun ba-an rasik iha sira nia moris.
Pe. Philip Heng,S.J.
Lk 9:51-56
51Wainhira tempu atu husik rai ne’e besik dau-daun ona, Jesus, hodi hakarak, hahu la’o ba Jerusalem. 52Nia haruka manuain sira atu ba uluk. Sira ne’e la’o ba, hodi tama iha ema Samaria sira nia knua ida, atu hadia fatin ba Nia. 53Maibe sira la simu Nia basa Nia atu sa’e ba Jerusalem. 54Hare tiha ne’e, eskolante sira, Tiago no Joao, dehan ba Nia: “Na’i, Ita hakarak katak ami hamulak atu ahi tun housi lalehan hodi han sira?” 55Maibe Nia fila oin hodi si’ak sira. 56Tuir mai, sira la’o fali ba knua seluk.
Today's Pointers on God's Word
As you read the passage what words, phases or meanings caught your attention?
- • Wainhira Jesus halo viagem ba Jerusalém, Nia senti katak “tempu” ba nia terus, paixão no morte komesa ona. Ema barak komesa rejeita ka la simu nia iha sira nia le’et.
- • Jesus simu rejeisaun sira hotu hanesan parte ida husi ninia compromisu atu kumpri Vontade ninia Aman iha Lalehan. Nia hatene katak rejeisaun sira sei la destrai ka deskoraja ninia determinasaun ba ninia misaun iha mundu ne’e.
- • Pergunta nebe ita bele husu ita nia-an mak “wainhira ita servi Maromak iha ita nia moris, ita fasilmente senti desanimadu lalais wainhira ita enfrenta opozisaun ka obstáculo ruma?