26ᵃ Semana Tempu Komun: Domingo, loron 1, fulan Outubro, 2023 October 1, 2023
Reflection on the WORD
Maluk sira mak Kristu hadomi,
“Obediensia ba Maromak”: Iha Evangelho ohin, Jesus koalia uza parabola hodi hanorin katak Obediensia lolos ba Maromak nia vontade la’os deit expressa iha resposta “SIM” maibe presiza hatudu iha asaun. Reflelte: Se ita nia domin ba Maromak ne’e sinseru no profundu, entaun ita se halo tuir Maromak nia vontade tan Domin. Maibe se ita hadomi Maromak tan obrigasaun no tauk, ita labele moris tuir Maromak nia vontade.
Pe. Philip Heng,S.J.
Mt 21:28-32
28“Imi hanoin sa? Ema ida iha oan mane na’in rua. Nia ba ida uluk hodi dehan: ‘Oan, ohin o ba serbisu iha to’os,’ 29Oan ne’e hatan: ‘Ha’u lakohi.’ Maibe, la kleur, nia hakribi hodi ba. 30 Tuir mai, nia hakbesik ida seluk hodi dehan ba nia hanesan nia dehan ba ida uluk Ida ne’e hatan; ‘Ha’u ba, Na’i.’ Maibe nia la ba. 31Sira na’in rua ne’e, ida nebe mak halo tuir nia aman nia hakarak?” Sira hatan: “Ida uluk.” Jesus dehan ba sira: “Tebes, Ha’u dehan ba imi: ema publikanu no feto moris aat sira sei la’o uluk liu imi ba Maromak nia reinu. 32Joao mosu ba imi hodi hatudu dalan justisa nian, imi la fiar, maibe ema publikanu no feto moris aat sira fiar nia. Maibe imi, hare tiha ona, lakohi hakribi sala hodi fiar nia.”
Today's Pointers on God's Word
As you read the passage what words, phases or meanings caught your attention?
- · Maromak oferese ba ita ida-ida tezouru bot sira hanesan alegria, felisidade, paz ba sira nebe halo Maromak sai centru ba sira nia moris. Maromak mos haraik tezouru bot liu mak moris rohan laek wainhira ita fila ba Maromak nia uman.
- · Iha parábola kona ba oan mane na’in rua, Jesus enfatiza liberdade humana – iha nebe ita ida-ida mak desidi hakarak simu ka rejeita Salvasaun nebe Maromak haraik mai ita gratuitamente.
- · Buat nebe importate iha ita nia Fiar mak oinsa ita sai sasin ba ita nia fiar nebe hatudu iha asaun konkretas sira, la’os koalia ibun deit katak ita fiar Jesus maibe la halo buat ida. Reflete hodi examina ita nia vivensia fiar nian ho pergunta ida ne’e – “ha’u nia fiar no domin ba Maromak expressa iha ha’u nia maneira de relasiona ho ema sira nebe besik ha’u?[ha’u nia familia, vizinhos, no sira nebe ha’u la gosta].