25ª Semana Tempu Komun: Kinta-feira, loron 28, fulan Setembru, 2023 September 28, 2023
Reflection on the WORD
Maluk sira mak Kristu hadomi,
“Ansiedade” – Fiar: Iha Evangelho ohin, Liurai Herodes nakonu ho ansiedade wainhira nia rona João Batista sei moris. Ninia kbiit no rikeza labele halakon ninia ansiedade no tauk ho João; ema santu ida ne’ebé haklaken Maromak ninia verdade. Reflete; “Maromak mak ita-nia seguransa loloos no damen iha ita-nia moris sira; ne’ebé laiha buat ida no laiha ema ida bele oferese?”
Pe. Philip Heng, S.J.
Lc. 9:7-9
Liurai Herodes rona tiha kona-ba buat ne’e hotu, nia hakfodak, basá ema balun dehan katak João moris hi’as fali housi mate; maibé ema seluk dehan katak Elias mosu fali, no ema seluk tan dehan katak profeta uluk sira ida moris hi’as fali.
Maibé Herodes dehan: “Ha’u tesi tiha ona João nia ulun. Ne’e duni, ema ne’e se los, ne’ebé kona-ba nia ha’u rona buat hirak ne’e?” No nia buka namanas atu hare Nia.
Today's Pointers on God's Word
As you read the passage what words, phases or meanings caught your attention?
- · Herodes ninia consciência halo nia la hakmatek tanba nia tesi João ninia ulun. João kolia lialos kona-ba Herodes ne’ebé hala’o moris imoral hamutuk ho Herodias, fen husi Herodes nia alin.
- · Herodes koko atu proteje João ninia moris maibé ikus-mai Herodes halo-tuir presaun “salva ninia oin” basá nia promete Salome atu husu saida de’it.
- · Grasa Maromak nian liberta ita husi tirania tauk no moe no haforsa ita atu nafatin fiel ba Maromak Ninia Liafuan no Lialos. Ita halo-tuir Maromak Ninia Liafuan wainhira ita simu prova hanesan Herodes tanba ita hakarak salva ita-nia oin?