DGEMs

Maluk sira mak Kristu hadomi,

“Ingratidaun” – Fiar: Iha Evangelho ohin, Jesus haklaken “Aiknanoik serbisu nain no to’os nain” ba Ninia eskolante sira, atu fo-hanoin sira kona-ba importansia gratidaun ba Maromak, no agradese ba Ninia domin no laran-luak. Reflete; “Ita agradeseMaromak ba Ninia grasa wain, ka ita la kontenti tanba ita observa ema seluk ninia grasa barak liu?

Pe. Philip Heng, S.J.

Jesus dehan ba Ninia eskolante sira, “Reinu lalehan nian hanesan uma na’in ida ne’ebé sai iha dadersan atu halo kontratu ho ema serbisu na’in sira ba nia to’os uvas nian. Halo tiha kontratu ho sira loron ida denariu ida, nia haruka sira ba nia to’os.

Iha loraik, to’os na’in dehan ba mandor: ‘Bolu serbisu na’in sira hodi selu sira nia kolen, hahu housi sira ikus to’o sira uluk.’ Serbisu na’in sira ne’ebé mai tuku lima loraik hakbesik hodi simu ida-ida denariu ida. Wainhira sira ne’ebé uluk mai, sira hanoin atu simu liu maibé sira mós simu ida-ida denariu ida. Simu tiha osan, sira hamuun hasouru uma na’in hodi dehan: ‘Sira ne’ebé ikus ne’e serbisu oras ida de’it, o selu sira hanesan ami, ne’ebé terus kole ho manas loron tomak.’

Nia hatan ba sira: ‘Ha’u belun, ha’u la hasouru ha’u lia ba o: ita la halo kontratu denariu ida ba loron ida?

Ha’u labele halo nu’udar ha’u hakarak ho ha’u nia rikusoi? Ka o laran moras tamba ha’u laran di’ak?” Nune’e sira ne’ebé ikus sei sai uluk, sira nebe uluk sei sai ikus.