DGEMs

Maluk sira mak Kristu hadomi,

“Perdaun” – Fiar: Iha Evangelho ohin, Jesus deklara katak atu fó-sasin Liafuan Di’akSalvasaun, ita tenki perdua ita-nia an no ema seluk bebeik, maske terus no trauma iha situasaun sira ita hasoru. Reflete; “Jesus rasik sofre torturasaun no mate, maibé Ninialaran-luak no domin ba sala-nain sira, Nia oferese ita “esperansa foun” ba SalvasaunRohan-La’ek.”

Pe. Philip Heng, S.J.

Pedro hakbesik ba Jesus hodi dehan: “Na’i, ha’u nia maun eh alin sala hasouru ha’u karik, ha’u sei perdua nia dala hira? To’o dala hitu?” Jesus hatan ba nia: “Ha’u dehan ba o: la’os to’o dala hitu, maibé to’o hitu nulu dala hitu.” 

“Tan ne’e, Reinu Lalehan nian hanesan liurai ida ne’ebé hakarak sisi tusan ba nia atan sira. Wainhira nia hahu sisi, sira lori mai ema ida ne’ebé iha tusan osan rihun sanulu. Tan nia laiha buat ida hodi selu, liurai haruka fa’an tiha nia ho nia feen, nia oan sira ho nia rikusoi sira hotu atu selu nia tusan. Atan ne’e monu ain ba nia hodi dehan: ‘Pasiensia uitoan ho ha’u, ha’u sei fo fali buat hotu ba o.’ Tan hanoin nia, atan ne’e nia na’i husik nia ba hodi kasu nia tusan. 

Wainhira atan ne’e sai housi neba, nia hetan nia maluk ida ne’ebé debe nia osan oan atus ida. Kaer tiha maluk ne’e, nia buti metin nia kakorok dehan: ‘Selu o nia tusan ba!’ Maibé nia lakohi sadia nia hodi haruka maluk ne’e ba dadur laran to’o nia selu nia tusan hotu. Tuir mai, sira nia na’i haruka bolu nia hodi dehan ba nia: ‘Atan aat, ha’u kasu tiha o nia tusan tomak tan o husu ha’u; o la bele hanoin o nia maluk atan hanesan ha’u hanoin o?”