DGEMs

Maluk sira mak Kristu hadomi,

“Fundasaun Espiritual” – Fiar: Iha Evangelho ohin, Jesus deklara ba Ninia eskolante sira kona-ba necessidade esensial atu hari fundasaun forte ida iha sira-nia fiar,esperansa, no domin iha Jesus, iha sira-nia moris lorloron. Reflete: “Wainhira, iha tempu krize, ita hasoru dezafiu iha moris no fiar, ita monu ba tentasaun no lohi espiritu at nian, no maneira mundu nian?”

Pe. Philip Heng, S.J.

“Tansa imi bolu ha’u ‘Na’i, Na’i’, maibé la halo tuir buat ne’ebé Ha’u hateten? 

Ema ne’ebé mai besik Ha’u no rona hodi halo tuir Ha’u nia liafuan, Ha’u sei hatudu ba imi ema ne’e hanesan sa los? Nia hanesan ema ne’ebé hari uma ida: nia ke’e klean, hodi tau nia hun iha fatuk leten; wainhira mota sai boot, be baku hasouru uma ne’e, maibé labele sobu, basá hari tiha iha fatuk leten. Maibé ida ne’ebé rona hodi la halo tuir, nia hanesan ema ne’ebé hari tiha uma ida iha rai leten, hun metin laiha. Wainhira mota sai boot no be baku hasouru nia, uma ne’e monu kedas, sobu rahun aat liu.”