DGEMs

Maluk sira mak Kristu hadomi,

"Fiar ne'ebé superfisial": Iha Evangelho loron ohin, Jesus fó-hanoin ba eskriba no farizeu sira kona-bá sira-nia fiar ne'ebé hipokritiku, ne'ebé la moris tuir buat ne'ebé sira haklaken nu'udar Maromak nia Lia-loos no Ukun-Fuan. Jesus mós fó sai katak "ema ne'ebé boot liu iha imi-nia leet tenke sai imi-nia atan". Reflete; "Ita konsidera ka la’e Maromak no nia kakarak nu'udar objetivu importante liu atu moris iha ita-nia fiar loroloron?"

Pe. Philip Heng, S.J.

Hasouru eskriba no fariseu sira

1Tuir mai Jesus ko’alia ba ema lubun boot no ba nia eskolante sira dehan: 2“Eskriba no fariseu sira tur iha Moises nia kadeira. 3Ne’e duni, simu ba hodi halo tuir buat hotu nebe sira dehan ba imi; maibe keta tuir sira nia hahalok, basa sira ko’alia maibe la halo. 4Sira futu naha todan no susar atu foti, hodi tau ba ema sira nia kabas, maibe sira rasik la book nia ho sira nia liman fuan ida. 5Sira halo buat hotu atu ema hare sira. Nune’e, sira kesi fita boot ida ba sira nia rentos hodi hanaruk sira nia tais ninin; 6sira kaan atu tur iha fatin uluk iha festa sira hodi buka tur iha oin iha sinagoga laran; 7sira hakarak ema kumprimenta sira iha prasa hodi bolu sira ‘Rabbi.’ 8Imi fali, keta husik ema hanaran imi ‘Rabbi’, basa imi nia Mestre ida de’it, no imi hotu mesa maun alin. 9Keta bolu ema ida aman iha rai, basa imi nia Aman ida de’it, nebe iha lalehan. 10Keta husik ema hanaran imi doutor, basa imi nia doutor ida de’it: Kristu. 11Ida nebe boot liu iha imi le’et sei sai imi nia atan. 12Ida nebe foti an, Na’i sei hatun nia; ida nebe haraik an, Na’i sei hahi nia.”