DGEMs

Maluk sira mak Kristu hadomi,

Fiar ne'ebé laran-moras: Iha Evangelho loron ohin, serbisu-nain sira iha toos-uvas ne'ebé simu saláriu, sira hirus no laran-moras, wainhira rai-na'in fó saláriu ne'ebé hanesan, ba sira ne'ebé serbisu oras uitoan de'it.Reflete; "Bénsaun barak ne'ebé Maromak fó mai ita, sei laiha folin no sei labele uza, se ita iha laran-moras kona-bá ema seluk nia prezente no bénsaun sira. Haksolok ho bénsaun sira ne'ebé Maromak fó ba ema seluk."

Pe. Philip Heng, S.J.

Aiknanoik serbisu na’in sira nian

1“Reinu lalehan nian hanesan uma na’in ida nebe sai iha dadersan atu halo kontratu ho ema serbisu na’in sira ba nia to’os uvas nian. 2Halo tiha kontratu ho sira loron ida denariu ida, nia haruka sira ba nia to’os. 8Iha loraik, to’os na’in dehan ba mandor: ‘Bolu serbisu na’in sira hodi selu sira nia kolen, hahu housi sira ikus to’o sira uluk.’ 9Serbisu na’in sira nebe mai tuku lima loraik hakbesik hodi simu ida-ida denariu ida. 10Wainhira sira nebe uluk mai, sira hanoin atu simu liu maibe sira mos simu ida-ida denariu ida. 11Simu tiha osan, sira hamuun hasouru uma na’in hodi dehan: 12‘Sira nebe ikus ne’e serbisu oras ida de’it, o selu sira hanesan ami, nebe terus kole ho manas loron tomak.’ 13Nia hatan ba sira: ‘Ha’u belun, ha’u la hasouru ha’u lia ba o: ita la halo kontratu denariu ida ba loron ida? 15Ha’u la bele halo nudar ha’u hakarak ho ha’u nia rikusoi? Ka o laran moras tamba ha’u laran diak?”16Nune’e sira nebe ikus sei sai uluk, sira nebe uluk sei sai ikus.