19ª Semana Tempu Komun: Segunda feira, loron 14, fulan Agostu, 2023 August 14, 2023
Reflection on the WORD
Maluk sira mak Kristu hadomi,
“Selu Impostu”- Fiar: Iha Evangelho loron ohin, Jesus selu impostu ho hakarak rasik, atu nune'e bele ses hosi konfuzaun ne'ebé la presiza atu iha no konflitus ho ukun-nain sira. Refle; " Fiar Kristaun apoia lia-loos, justisa no dame ba komun ninia di'ak ba ukun-nain sira hotu. Liu tan ne'e, ita-nia fiar sai metin liu tan no hakat liu fali valores sira-ne'e, no haklaken Maromak nia Ukun ba nafatin".
Pe. Philip Heng, S.J.
Mt 17:24-27
Impostu templu nian
24To’o tiha Kafarnaum, kobrador impostu drakma rua nian hakbesik ba Pedro hodi dehan ba nia: “Imi nia mestre selu impostu ka lae?” 25Nia hatan: “Selu.” To’o tiha uma, Jesus ko’alia kedas dehan: “Simao, o hanoin oin sa? Liurai sira simu impostu rai ninian housi se: housi sira nia oan rasik, ka housi ema seluk?” 26Nia hatan: “Housi ema seluk.” Jesus dehan ba nia: “Ne’e duni, oan sira la selu. 27Maibe, atu ema keta hanoin sala, ba tasi ba, soe kail, kaer ikan nebe sai uluk; loke tiha nia ibun, o o sei hetan osan drakma haat nian. Lori osan ne’e no selu impostu ba sira ba Ha’u no ba o.”
Today's Pointers on God's Word
As you read the passage what words, phases or meanings caught your attention?
- ● Ema estranjeiru no sira ne'ebé hela iha teritoriu konquistadu tenke selu impostu ba Liurai. Pedro lakohi Jesus atu hasoru poblemas ho ukun-na'in sira, tan ne'e, sem konsulta ho Nia, nia rekoñese katak Jesus selu ona impostu ba templu.
- ● Pedro nia intensaun ne’e diak, maibé Jesus fó-hanoin nia katak hanesan Maromak nia Oan-Mane ninia Aman nia templu, hodi dehan katak Nia la iha impostu hanesan ne'e. Maibé, ida-ne'e bele hamosu problema ba sira. Tan ne'e, Jesus haruka Pedro atu ba peska hodi hetan osan ne'ebé sufisiente hodi selu impostu.
- ● Nu'udar ema kristaun, ita tenke halo tuir ukun-fuan sira iha ita-nia rai nu'udar sidadaun. Jesus nia discípulo sira tenke halo tuir ukun-fuan ne'ebé loos no apoia patriotizmu.