DGEMs

Maluk sira mak Kristu hadomi,

Transfigurasaun" - Fiar: Iha Evanjelhu loron ohin-nian ne’ebé Jesus nakfila-an, Pedro no Tiago "nakonu ho ta'uk". Maibé Jesus hatete ba sira: "Keta ta'uk." Hanoin to'ok kona-bá ne'e: "Maromak nia divinidade no ninia mistériu aas liu ema nia matenek. Maibé Jesus konvida ita atu la ta'uk, maibé atu tau fiar ba Maromak nia hakarak no dalan sira. Saida mak ita hatán ba Jesus?"

Pe. Philip Heng, S.J.

Jesus nakfila An

    1Liu tiha loron ne’en, Jesus bolu ketak Pedro, Tiago ho nia alin Joao hodi lori sira mesak ba foho aas ida. 2Iha neba Nia nakfila An iha sira nia oin. Nia oin nabilan hanesan loron, nia unuk sai mutin hanesan roman. 3Iha oras neba Moises ho Elias mosu hodi ko’alia ho Nia. 4Pedro hasa’e lia dehan ba Jesus: “Na’i, diak liu Ita hela ona iha ne’e! Ita Boot hakarak karik, ha’u sei halo takabaluk tolu: ba Ita Boot ida, ba Moises ida, ba Elias ida!” 5Nia sei ko’alia hela, kalohan nabilan ida hamahan sira. Hafoin housi kalohan ne’e, lia ida dehan: “Ida ne’e mak Ha’u nia Oan doben, ne’ebé fo ksolok mai Ha’u. Rona Nia ba!” 6Rona tiha ne’e, eskolante sira monu ho oin ba rai hodi tauk teb-tebes. 7Jesus hakbesik hodi kona sira dehan: “Hamriik ba, keta tauk!” 8Foti tiha sira matan, sira hare deit Jesus; la iha tan ema ida.

9Wainhira sira tun dau-daun housi foho, Jesus haruka sira: “Keta haktuir ba ema ida buat ne’ebé imi foin hare to’o Oan Mane moris hi’as fali housi mate.”